ନୂଆଦିଲ୍ଲୀ (ଏଟିଆର ବ୍ୟୁରୋ): ଗୋଟେ ପରେ ଗୋଟେ ଜୀବନ ନେଉଛି ମହାମାରୀ କରୋନା । ସେହିପରି ବଲିଉଡ ଅଭିନେତା ବିକ୍ରମଜତ୍ କନୱରପାଲଙ୍କ କରୋନାରେ ପରଲୋକ ଘଟିଛି । ଏନେଇ ଫିଲ୍ମନିର୍ମାତା ଅଶୋକ ପଣ୍ଡିତ ଟ୍ୱିଟ କରି ଅଭିନେତାଙ୍କ ଶୋକ ବ୍ୟକ୍ତ କରିଛନ୍ତି । ସେ ଲେଖିଛନ୍ତ, ଏହା ଶୁଣିକି ବହୁତ ଦୁଃଖ ଲାଗିଲା । କରୋନା ପାଇଁ ଆଜି ସକାଳୁ ବିକ୍ରମଜିତଙ୍କ ନିଧନ ହୋଇଛି । ଜଣେ ସେବାନିବୃତ ସେନା ଅଧିକାରୀ କନୱରପାଲ ଅନେକ ଫିଲ୍ମ ଏବଂ ଟିଭି ସିରିଏଲରେ ରେ ଗୁରୁତ୍ୱପୂର୍ଣ୍ଣ ଚରିତ୍ରରେ ଅଭିନୟ କରିଥିଲେ । ତାଙ୍କ ପରିବାର ଲୋକଙ୍କୁ ମୋର ସମବେଦନା ।
ସେହିପରି ନିର୍ଦ୍ଦେଶକ ବିକ୍ରମ ଭଟ୍ଟ ଲେଖିଛନ୍ତି, ମେଜର ବିକ୍ରମଜିତ କନୱରପାଲଙ୍କ ନିଧନ ହୋଇଛି । ଏହି ମହାମାରୀ ତାଙ୍କୁ ଆମଠାରୁ ଛଡାଇ ନେଇଛି । ମୁଁ ତାଙ୍କ ସହିତ ବହୁତ ଫିଲ୍ମ କରିଛି । ତାଙ୍କ ଆତ୍ମାକୁ ଶାନ୍ତି ମିଳୁ ।
