ମୁମ୍ବାଇ (ଏଟିଆର ବ୍ୟୁରୋ): ବିବାହ ବନ୍ଧନରେ ବାନ୍ଧି ହୋଇଛନ୍ତି ବଲିଉଡ ସିଙ୍ଗର ଆଦିତ୍ୟ ନାରାୟଣ ଏବଂ ଅଭିନେତ୍ରୀ ଶ୍ୱେତା ଅଗ୍ରୱାଲ । ଏବେ ତାଙ୍କର ବିବାହ ଫଟୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ବିବାହକୁ ନେଇ ଦୀର୍ଘ ଦିନ ହେବ ଚର୍ଚ୍ଚାରେ ଥିଲେ ଆଦିତ୍ୟ ଏବଂ ଶ୍ୱେତା । ଏବେ ତାଙ୍କର ବିବାହ ଫଟୋ ସାମ୍ନାକୁ ଆସିଛି । ଯେଉଁଥିରେ ଉଭୟ ଖୁବ୍ ସୁନ୍ଦର ଦିଶୁଛନ୍ତି ।
ମନ୍ଦିରରେ ତାଙ୍କର ବିବାହ ହୋଇଥିବା ବେଳେ ମହାମାରୀ କରୋନା ପାଇଁ ଏହି ବିବାହରେ କେବଳ ୫୦ ଜଣ ଲୋକ ସାମିଲ ଥିଲେ ।
ଆଦିତ୍ୟ ଏବଂ ଶ୍ୱେତା ତାଙ୍କର ୱେଡିଙ୍ଗ ଲୁକ୍ ରେ କୌଣସି ରୟାଲ କପୁଲ ଠାରୁ କମ ଦେଖା ଯାଉନାହାନ୍ତି । ଏଥିରେ ଶ୍ୱେତା ସିଲଭର ଏବଂ ପିଙ୍କ କଲରର ଲେହେଙ୍ଗା ପିନ୍ଧିଥିବା ବେଳେ ଆଦିତ୍ୟ ବି ପିଙ୍କ ଆଉ ସିଲିଭର କଲରର ସେରୱାନୀ ପିନ୍ଧିଛନ୍ତି ।
ସୂଚନାଯୋଗ୍ୟ, ଗତ ଦଶ ବର୍ଷ ହେବ ପ୍ରେମ ସମ୍ପର୍କରେ ଥିଲେ ଆଦିତ୍ୟ ଏବଂ ସ୍ୱେତା । ଏବେ ଉଭୟ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଯାହାର ଫଟୋ ଉଭୟ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି ।
