ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡରେ ୩୦ ବର୍ଷ ପୂରଣ କରିଛନ୍ତି ଅଭିନେତା ଅଜୟ ଦେବଗନ୍ । ଫୁଲ୍ ଅର କାଣ୍ଟେ ରୁ ଅଜୟ ତାଙ୍କ କ୍ୟାରିଅର୍ ଆରମ୍ଭ କରିଥିଲେ । ସେବେଠାରୁ ସେ ଅନେକ ବ୍ଲକବଷ୍ଟର ଫିଲ୍ମ ଦେଇଛନ୍ତି ଏବଂ ବକ୍ସ ଅଫିସରେ ସବୁଠାରୁ ବିଶ୍ୱସ୍ତ ନାମ ମଧ୍ୟରୁ ଅନ୍ୟତମ ।
କମେଡି ଏବଂ ଆକ୍ସନରେ ଅଜୟ ଉତ୍କୃଷ୍ଟ ଚଳଚ୍ଚିତ୍ର ଦେଇଛନ୍ତି । ଏହି ସଫଳତା ଉପରେ ତାଙ୍କ ସାଥୀ ହିରୋ ଅକ୍ଷୟ କୁମାର ତାଙ୍କୁ ଅଭିନନ୍ଦନ ଜଣାଇଛନ୍ତି । ଉଲ୍ଲେଖନୀୟ କଥା ହେଉଛି, ଉଭୟ ତାରକା ନିକଟରେ ସୁର୍ଯ୍ୟବଂଶୀରେ ଏକାଠି ନଜର ଆସିଛନ୍ତି । କୋଭିଡ ପରେ ପ୍ରେକ୍ଷାଳୟରେ ଧୁମ୍ ମଚାଇଛି ଏହି ଚଳଚ୍ଚିତ୍ର । । ସେହିପରି ଏହାପୂର୍ବରୁ ଅଜୟ ଏବଂ ଅକ୍ଷୟ ଅନେକ ଫିଲ୍ମରେ ଏକାଠି କାମ କରି ସାରିଛନ୍ତି । ରୋମାନ୍ସ, କମେଡି, ଆକ୍ସନ୍ ଚଳଚ୍ଚିତ୍ର ସହିତ ସେମାନଙ୍କ କ୍ୟାରିଅର୍ ମଧ୍ୟ ପ୍ରାୟ ସମାନ ଟ୍ରାକରେ ଚାଲିଛି ।
