ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ସିଂଘମ ମାନେ ଅଜୟ ଦେବଗନ ଏବଂ ତାଙ୍କ ପତ୍ନୀ କାଜୋଲ ଦେବଗନ ଦୁହେଁ ଏବେ ସୋସଆଲରେ ଚର୍ଚ୍ଚାରେ ଅଛନ୍ତି । ପ୍ରକୃତରେ ଅଜୟ ଦେବଗନ ତାଙ୍କ ଟ୍ୱିଟର ଆକାଉଣ୍ଟରେ ଏକ ପୋଷ୍ଟ ସେୟାର କରି ଫ୍ୟାନ୍ସଙ୍କ ମଜାକ କରିଛନ୍ତି । ସେ ତାଙ୍କ ପତ୍ନୀ କାଜୋଲଙ୍କ ଫୋନ ନମ୍ବର ଟ୍ୱିଟରରେ ସେୟାର କରିଦେଇଥିଲେ । ଏହାପରେ ପୂରା ଟ୍ୱିଟରରେ ହଙ୍ଗାମା ସୃଷ୍ଟି ହୋଇଛି ।
ଅଜୟ ଟ୍ୱିଟ୍ କରି ଲେଖିଥିଲେ କି, ‘କାଜୋଲ ଦେଶରେ ନାହାଁନ୍ତି । ତାଙ୍କ ସହ ହ୍ୱାଟସପ୍ ର ଏହି ନମ୍ବରରେ କୋଅଡିନେଟ କରନ୍ତୁ’ । ଏହି ଟ୍ୱିଟରର ଚାରି ଘଂଟା ପରେ ଅଜୟ ଆଉ ଏକ ଟ୍ୱିଟ୍ କରି ସେଥିରେ ଲେଖିଥିଲେ, ‘ଫିଲ୍ମ ସେଟରେ ପ୍ରାଙ୍କ କରିବା ସାଧାରଣ କଥା । ତେବେ ଆଜି ଏହି ମଜାକ ମୁଁ ନିଜ ଉପରେ କରିଥିଲି’ ।
ଅଜୟଙ୍କ ଦ୍ୱାରା ସେୟାର କରାଯାଇଥିବା ଫୋନ ନମ୍ବରରେ ଫ୍ୟାନ୍ସମାନେ ମେସେଜ କରି ସ୍କ୍ରିନସର୍ଟ ବି ଟ୍ୱିଟରରେ ସେୟାର କରିଛନ୍ତି । କେବଳ ଏତିକି ନୁହେଁ କିଛି ଫ୍ୟାନ୍ସ ଭିଡିଓ କଲ୍ସ ମଧ୍ୟ କରିଥିବାର ଫଟୋ ସେୟାର କରିଛନ୍ତି ।
