ମୁମ୍ବାଇ (ଏଟିଆର ବ୍ୟୁରୋ): ଚଳିବର୍ଷ ସିନେମା ହଲରେ ରିଲିଜ୍ ହେବ ‘ଗଙ୍ଗୁବାଇ କାଠିୟାୱାଡି’ । ସଞ୍ଜୟ ଲୀଲା ଭଂସାଲିଙ୍କ ଫିଲ୍ମ ‘ଗଙ୍ଗୁବାଇ କାଠିୟାୱାଡି’ ରେ ଅଭିନେତ୍ରୀ ଆଲିୟା ଭଟ୍ଟ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଫିଲ୍ମଟି ମଶୁର ଲେଖକ ହୁସୈନ ଜୈଦଙ୍କ ପୁସ୍ତକ ‘ମାଫିୟା କ୍ୱିଂସ ଅଫ୍ ମୁମ୍ବାଇ’ ର ଏକ ଅଧ୍ୟାୟ ଉପରେ ଆଧାରିତ ।
ଭଂସାଲିଙ୍କ ନିର୍ମାଣ କମ୍ପାନୀ ଇଂଷ୍ଟାଗ୍ରାମ ରେ ଆଠ ସେକେଣ୍ଡର ଏକ ଭିଡିଓ ଜାରି କରି ଚଳିତବର୍ଷ ଫିଲ୍ମ ରିଲିଜ୍ ହେବାର ସୂଚନା ଦେଇଛନ୍ତି । ଭିଡିଓ ଜାରି କରି ନିର୍ମାଣ କମ୍ପାନୀ ପକ୍ଷରୁ ଲେଖାଯାଇଛି କି, ଗଙ୍ଗୁବାଇ କାଠିୟାୱାଡି’ ୨୦୨୧ ରେ ରାଜ୍ କରିବା ପାଇଁ ପ୍ରସ୍ତୁତ । ପୂର୍ବରୁ ଏହି ଫିଲ୍ମଟି ୧୧ ସେପ୍ଟମ୍ବର ୨୦୨୦ ରେ ସିନେମାହଳରେ ରିଲିଜ୍ ହେବାକୁ ଥିଲା କିନ୍ତୁ କୋଭିଡ୧୯ ପାଇଁ ଲାଗୁ ହୋଇଥିବା ଲକଡାଉନ୍ ଯୋଗୁଁ ଫିଲ୍ମଟି ରିଲିଜ୍ ହୋଇପାରିନଥିଲା ।
