ମୁମ୍ବାଇ (ଏଟିଆର ବ୍ୟୁରୋ): ଦୀର୍ଘ ଦିନର ବାଦ ବିବାଦ ପରେ ସାରା ଅଲ୍ଲୀ ଖାଁ ଏବଂ ସୁଶାନ୍ତ ସିଂଙ୍କ ଫିଲ୍ମ ‘କେଦାରନାଥ’ର ଟିଜର ଗତକାଲି ରିଲିଜ୍ ହୋଇ ଯାଇଛି । ଗୋଟେ ମିନିଟ୍ ୪୦ ସେକେଣ୍ଡର ଏହି ଟିଜରରେ କେଦାରନଥରେ ହେଉଥିବା ପ୍ରାକୃତିକ ତାଣ୍ଡବ ଏବଂ ସାରା ଓ ସୁଶାନ୍ତଙ୍କ ଜବରଦସ୍ତ କେମେଷ୍ଟ୍ରି ଦେଖିବାକୁ ମିଳିଛି । ଟିଜର ରିଲିଜ୍ ହେବା ପରେ ଭାବୁକ ହୋଇ ପଡିଥିଲେ ଅଭିନେତ୍ରୀ ଅମୃତା ସିଂ ।
ଅମୃତା ସିଂ ଓରଫ ସାରାଙ୍କ ମା’ ଏକ ସାକ୍ଷାତକାରରେ ଭାବ ବ୍ୟକ୍ତ କରିଛନ୍ତି । ସେ କହିଛନ୍ତି କି, ମୁଁ ‘କେଦାରନାଥ’ ଟିଜର ପାଇଁ ଅନେକ ଦିନରୁ ଅପେକ୍ଷା କରିଥିଲି । ଟିଜରଟି ଦେଖିଲା ପରେ ବହୁତ ଖୁସି ଲାଗିଲା । ମୋତେ ସାରାଙ୍କ କାମ ପସନ୍ଦ ଆସିଲା । ମୁଁ ଇଶ୍ୱରଙ୍କ ପାଖରେ ତାର ସଫଳତାର କାମନା କରୁଛି । ଆଶା ଆଗକୁ ସାରା ଭଲ କାମ କରିବେ ।
ଫିଲ୍ମ ‘କେଦାରନାଥ’ରେ ପ୍ରକୃତିର ଭୟାନକ ଦୃଶ୍ୟ ଦେଖିବାକୁ ମିଳିଛି । ଟିଜରରେ ଲେଖା ହୋଇଛି କି ଚଳିତ ବର୍ଷ ପ୍ରକୃତିର କ୍ରୋଧକୁ ସାମ୍ନା କରିବା ଏବଂ ସାଥୀରେ ଥିବ କେବଳ ଭଲ ପାଇବା । ଫିଲ୍ମଟି ଡିସେମ୍ବର ୭ରେ ପରଦାରେ ମୁକ୍ତିଲାଭ କରିବ ।
