ନୂଆଦିଲ୍ଲୀ(ଏଟିଆର ବ୍ୟୁରୋ):ସୁପରଷ୍ଟାର ଅକ୍ଷୟ କୁମାର ମଙ୍ଗଳବାର ସନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଇଣ୍ଟରଭ୍ୟୁ ନେବା ପରେ ସୋସିଆଲ ମିଡିଆରେ ବଲିଉଡଠାରୁ ଆରମ୍ଭ କରି ବିଭିନ୍ନ କ୍ଷେତ୍ରରୁ ଭିନ୍ନ ଭିନ୍ନ ରିଆକ୍ସନ ଆସିବାରେ ଲାଗିଛି । ଅନ୍ୟପଟେ ଅକ୍ଷୟ କୁମାରଙ୍କ ସହିତ ପ୍ରଧାନମନ୍ତ୍ରୀଙ୍କ ସାକ୍ଷାତକାରକୁ ନେଇ ସୋସିଆଲ ମିଡିଆରେ ଅନେକ ପ୍ରକାରର ମଜାକ୍ ଉଡୁଥିବାର ନଜରକୁ ଆସିଛି । ମାତ୍ର ବଲିଉଡ ଷ୍ଟାର ଅନୀଲ କପୁର ବି ଅକ୍ଷୟ କୁମାର ଏବଂ ପ୍ରଧାନମନ୍ତ୍ରୀଙ୍କ ଏହି ଆଲୋଚନକୁ ନେଇ ଟ୍ୱିଟ୍ କରି ପ୍ରଶଂସା କରିଛନ୍ତି ।
ଅନୀଲ କପୁର ଟ୍ୱିଟ୍ କରି ପ୍ରଧାନମନ୍ତ୍ରୀ ମୋଦି ଏବଂ ଅକ୍ଷୟ କୁମାରଙ୍କର ପ୍ରଶାଂସ କରିଛନ୍ତି । ତାଙ୍କର ଏହି ଟ୍ୱିଟ୍ ଏବେ ଖୁବ୍ ଭାଇରାଲ ହେବାରେ ଲାଗିଛି । ଅନୀଲ କପୁର ଟ୍ୱିଟ୍ କରି କହିଛନ୍ତି କି, ‘ସେହି ହସ୍ତିଙ୍କ ପାଇଁ ମୁଁ ଅନୁପ୍ରେରିତ, ଯେଉଁମାନେ ନିଜ ଜୀବନକୁ ପରିଶ୍ରମ, ମାନସିକ ଏବଂ ଶାରୀରିକ ଶକ୍ତି ହାସଲ କରିବା ପାଇଁ ସମର୍ପିତ କରିଛନ୍ତି..ତାଙ୍କ ଚେହେରା ଏବଂ ଶରୀର ତାଙ୍କ ଭିତରେ ଥିବା ଶକ୍ତି ଏବଂ ଶାନ୍ତି ଆଡକୁ ଇଶାରା କରିଥାନ୍ତି ଏବଂ ସେ କେବଳ ଏହି ପ୍ରକାରର ଅନୁଶାସନରେ ହିଁ ଆସି ପାରିବେ ।’ ଏହି ଭଳି ପ୍ରଧାନମନ୍ତ୍ରୀ ଏବଂ ଅକ୍ଷୟଙ୍କର ପ୍ରଶଂସା କରିଛନ୍ତି ଅନୀଲ କପୁର ।
I'm so inspired by these icons who have committed their lives to working hard & striving for mental & physical strength each day…Their faces & body language reflect the inner poise and peace that comes with such discipline!@narendramodi @PMOIndia @akshaykumar https://t.co/BTX6is4a6b
— Anil Kapoor (@AnilKapoor) April 24, 2019
ସୂଚନାଯୋଗ୍ୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଇଣ୍ଟରଭ୍ୟୁ ଅଭିନେତା ଅକ୍ଷୟ କୁମାର ନେଇଥିଲେ । ଏହି ସାକ୍ଷାତକାର ସମ୍ପୂର୍ଣ୍ଣ ଅଣ ରାଜନୈତିକ ଥିଲା । ଏଥିରେ ଅକ୍ଷୟ କୁମାର ପ୍ରଧାନମନ୍ତ୍ରୀଙ୍କ ବ୍ୟକ୍ତିଗତ ଜୀବନୀ ସହିତ କିଛି ପ୍ରଶ୍ନ ପଚାରିଥିଲେ ଏବଂ ଏହାର ଉତ୍ତର ମଧ୍ୟ ମୋଦି ଦେଇଥିଲେ ।
