ନୂଆଦିଲ୍ଲୀ (ଏଟିଆର ବ୍ୟୁରୋ): ସିନେମା ହଲରେ ରିଲିଜ୍ ହୋଇଯାଇଛି ରଣବୀର କପୁରଙ୍କ ଫିଲ୍ମ ‘ଆନିମଲ’ । ଫିଲ୍ମର ଫାଷ୍ଟ ଡେ ଫାଷ୍ଟ ସୋ’ ଦେଖିବା ପରେ ଦର୍ଶକଙ୍କ ରିଭ୍ୟୁ ଭଲ ରହିଛି । ଅନେକ ସ୍ଥାନରେ ହଲ ହାଉସଫୁଲ ରହିଛି । ଫିଲ୍ମଟିକୁ ଦର୍ଶକ ଖୁବ୍ ପସନ୍ଦ ମଧ୍ୟ କରୁଛନ୍ତି । ପ୍ରଥମ ଦିନରେ ହଲରେ ହଇଚଇ ସୃଷ୍ଟି କରିଛି ଆନିମଲ । ରଣବୀର କପୁର ଏବଂ ରଶ୍ମିକା ମନ୍ଦନାଙ୍କ ଅଭିନୟ ଦର୍ଶକଙ୍କ ମନ ଛୁଇଁଛି । ବମ୍ପର ଓପନିଙ୍ଗ ପରେ ଦ୍ୱିତୀୟ ଦିନରେ ମଧ୍ୟ ହଇଚଇ ସୃଷ୍ଟି କରିଛି ଆନିମଲ ।
ଆନିମଲ୍ କୁ ଏ’ ରେଟିଙ୍ଗ ମିଳିଛି । ଏହାର ରନ୍ ଟାଇମ ୩ ଘଣ୍ଟାରୁ ଅଧିକ ରହିଛି । ଏହାପରେ ବି ଫିଲ୍ମକୁ ଜବରଦସ୍ତ ପ୍ରତିକ୍ରିୟା ମିଳୁଛି । ବକ୍ସଅଫିସ ଧମାଲ କରୁଛି ଆନିମଲ୍ । ପ୍ରଥମ ଦିନରେ ବିଶ୍ୱବ୍ୟାପି ଫିଲ୍ମଟି ୧୧୬ କୋଟି ରୋଜଗାର କରିଥିଲା ।
