ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ଅଭିନେତା ଅର୍ଜ୍ଜୁନ କପୁରଙ୍କ ଅଭିନୀତ ଥ୍ରୀଲର ଫିଲ୍ମ ‘ସନ୍ଦୀପ ଔର ପିଙ୍କି ଫରାର’ ର ଏକ୍ସକ୍ଲୁସିଭ ଡିଜିଟାଲ ପ୍ରିମିୟର ଘୋଷଣା କରିଛି ଆମାଜନ ପ୍ରାଇମ ଭିଡିଓ । ଆଜିଠୁ ଏହି ଫିଲ୍ମଟିକୁ ଭାରତ ସମେତ ୨୪୦ ଦେଶରେ ଷ୍ଟ୍ରିମିଙ୍ଗ ପ୍ଲାଟଫର୍ମରେ ଦେଖିପାରିବେ ।
ଦିବାକର ବାନାର୍ଜିଙ୍କ ଦ୍ୱାରା ଲିଖିତ ତଥା ନିର୍ମିତ ଏବଂ ନିର୍ଦ୍ଦେଶିତ ଏହି ଫିଲ୍ମରେ ନୀନା ଗୁପ୍ତା, ରଖୁଭୀର ଯାଦବ ଏବଂ ଜୟଦୀପ ଅହଲାବତ ମଧ୍ୟ ପ୍ରମୁଖ ଭୂମିକାରେ ନଜର ଆସିବେ ।
ସନ୍ଦୀପ ଏବଂ ପିଙ୍କି ଫରାର ଦୁଇଟି ଅଲଗା ଅଲଗା ବ୍ୟକ୍ତିଙ୍କ କାହାଣୀ । ଯାହାଙ୍କ ଜୀବନ ଅଚାନକ ପରସ୍ପର ସହ ଯୋଡି ହୋଇଯାଉଛିି । ପିଙ୍କେଶ ଦହିୟା ଓରଫ ପିଙ୍କ (ଅର୍ଜୁନ କପୁର) ଜଣେ ହରିୟାଣୀ ପୋଲିସ ଅଧିକାରୀ ଥିବା ବେଳେ ସନ୍ଦୀପ କୌର (ପରିଣିତି ଚୋପ୍ରା) କର୍ପୋରେଟ ଜଗତର ଜଣେ ମହତ୍ୱକାଂକ୍ଷୀ ଝିଅ ।
ଲକଡାଉନ ସମୟରେ ଫିଲ୍ମଟି ସିନେମାହଲରେ ମୁକ୍ତିଲାଭ କରିଥିଲା କିନ୍ତୁ ଭଲ ପ୍ରତିକ୍ରିୟା ମିଳିନଥିଲା । ଏବେ ଏହି ଫିଲ୍ମକୁ ଆପଣ ପ୍ରାଇମ ଭିଡିଓରେ ଦେଖି ପାରିବେ ।
