ନୂଆଦିଲ୍ଲୀ (ଏଟିଆର ବ୍ୟୁରୋ): ସର୍ବଭାରତୀୟ ସ୍ତରରେ ଧୁମ୍ ମଚାଉଛି ଏସଏସ୍ ରାଜାମୌଲିଙ୍କ ଫିଲ୍ମ ଆରଆରଆର । ଏହାସହିତ ପୁରସ୍କୃତ ମଧ୍ୟ ହେଉଛି । ନିକଟରେ ଫିଲ୍ମର ନିର୍ଦ୍ଦେଶକ ନ୍ୟୁୟର୍କ ଫିଲ୍ମ କ୍ରିଟିକ୍ସ ସର୍କଲରେ ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ପାଇଥିଲେ ଏବଂ ବର୍ତ୍ତମାନ ଆରଆରଆର କୁ ଆଟଲାଣ୍ଟା ଫିଲ୍ମ କ୍ରିଟିକ୍ସ ସର୍କଲ ଦ୍ୱାରା ‘ଶ୍ରେଷ୍ଠ ଆନ୍ତର୍ଜାତୀୟ ଚଳଚିତ୍ର’ ଭାବରେ ପୁରସ୍କୃତ କରାଯାଇଛି ।
ଆଟଲାଣ୍ଟା ଫିଲ୍ମ କ୍ରିଟିକ୍ସ ସର୍କଲ ପକ୍ଷରୁ ସୋମବାର ଟ୍ୱିଟରରେ ମୁଖ୍ୟ ଅଭିନେତା ରାମ ଚରଣ ଏବଂ ଜୁନିୟର ଏଣ୍ଟିଆରଙ୍କ ଫଟୋ ସେୟାର କରାଯାଇଛି । ଏଥିରେ ଲେଖାଯାଇଛି କି “୨୦୨୨ ଆଟଲାଣ୍ଟା ଫିଲ୍ମ କ୍ରିଟିକ୍ସ ସର୍କଲ ପୁରସ୍କାର। ବେଷ୍ଟ ଇଂଟରନାସନାଲ ପିକଚର ‘ଆରଆରଆର’ ।
