ମୁମ୍ବାଇ (ଏଟିଆର ବ୍ୟୁରୋ): ଟେଲିଭିଜନ ର ସବୁଠାରୁ ଚର୍ଚ୍ଚିତ ରିଆଲିଟି ସୋ’ ବିଗବସ୍ ନୂତନ ସିଜିନ୍ ବହୁତ ଶୀଘ୍ର ଆସିବାକୁ ଯାଉଛି । ସିଜିନ୍ ୧୪ ପାଇଁ ଅଣ୍ଟା ଭିଡିଛି କଲର୍ସ । ନିକଟରେ ଚ୍ୟାନେଲ ପକ୍ଷରୁ ବିଗ ବସ୍ ୧୪ ର ପ୍ରଥମ ଟିଜର ରିଲିଜ କରାଯାଇଛି, ଯେଉଁଥିରେ ସ୍ପଷ୍ଟ ହୋଇଛି କି ଏହି ସିଜିନ୍ ରେ ବି ସଲମାନ୍ ହୋଷ୍ଟ କରିବେ ।
ଟିଜରରେ ସଲମାନ କେତେବେଳେ କ୍ଷେତରେ ଟ୍ରାକ୍ଟର ଚଲାଉଥିବାର ନଜର ଆସୁଛନ୍ତି ତ ପୁଣି କେତେବେଳେ ଧାନ ରୋଉ ଥିବାର । ଏହି ଟିଜରଟି ସଲମାନ ଖାଁଙ୍କ ପନୱଲେ ର ଫାର୍ମ ହାଉସରେ ସୁଟ୍ କରାଯାଇଛି ।
ଟିଜରରେ ସଲମାନ କହୁଛନ୍ତି କି, ସାଧାରଣ ଜୀବନରେ ସ୍ପିଡ ବ୍ରେକର ଆଣିଛି ଲକ୍ ଡାଉନ । ସେଥିପାଇଁ ଧାନ ରୋଉଛି ଏବଂ ଟ୍ରାକ୍ଟର ଚଲାଉଛି । କିନ୍ତୁ ଏବେ ସିନ୍ ପଲଟିବ । ବିଗ୍ ବସ୍ ର ଏହି ନୂତନ ସିଜିନ୍ ବିଗ୍ ବସ୍ ୧୪ ବଦଳରେ ବିଗ୍ ବସ୍ ୨୦୨୦ କୁହାଯିବ ।
କୁହାଯାଉଛି କି ଏହି ସିଜିନ୍ ସେପ୍ଟମ୍ବରରେ ଆରମ୍ଭ ହେବ । କିନ୍ତୁ ଏଥରକ ଥିମ୍ କଣ ରହିବ ସେନେଇ କୌଣସି ସୂଚନା ମିଳି ନାହିଁ । ଏହାସହିତ କରୋନା ନିୟମ ପାଳନ ମୁତାବକ ସୋ ଆରମ୍ଭ କରାଯିବ ।
