ମୁମ୍ବାଇ (ଏଟିଆର ବ୍ୟୁରୋ):ଟେଲିଭିଜନର ବିବାଦୀୟ ରିୟଲିଟି ସୋ’ ବିଗବସ୍ ସିଜିନ୍ ୧୨ର ଶୁଭାରମ୍ଭ ଗତ ରବିବାର ହୋଇଯାଇଛି । ସଲମାନ୍ ଖାଁ ଧମାକାଦାର ଅନ୍ଦାଜରେ ଏହି ବ୍ଲକବଷ୍ଟର ଏପିସୋଡ ଆରମ୍ଭ କରିଥିଲେ । ଏହି ସିଜିନ୍ ଟି ସଂପୂର୍ଣ୍ଣ ସିଙ୍ଗଲ ଭର୍ସେସ ଯୋଡି ଉପରେ ଆଧାରିତ । ସେଲିବ୍ରିଟି ଠାରୁ ଆରମ୍ଭ କରି ସାଧାରଣ ଜନତା ଏହି ସୋ’ ରେ ଏଂଟ୍ରି କରିଛନ୍ତି । କିନ୍ତୁ ଏହି ସିଜିନ୍ ର ସବୁଠାରୁ ଚର୍ଚ୍ଚିତ ଯୋଡି ହେଉଛି ଭଜନ ସମ୍ରାଟ ଅନୁପ ଜଲୋଟା ଏବଂ ଜସଲିନ୍ ମଥାରୁ ।
ଏହି ଯୋଡି ଗରୁଶିଷ୍ୟ ହିସାବରେ ଏଂଟ୍ରି କରିଛନ୍ତି, କିନ୍ତୁ ପ୍ରକୃତରେ ଦୁହିଁଙ୍କ ମଧ୍ୟରେ ଗତ ତିନି ବର୍ଷ ହେଲା ସଂପର୍କ ରହିଛି । ନିଜ ନାତୁଣୀ ବୟସର ପ୍ରେମିକାଙ୍କ ସହ ସଂପର୍କ ଥିବାକୁ ନେଇ ନିଜେ ଭଜନ ସମ୍ରାଟ ଖୁଲାସ କରିଛନ୍ତି । ଅନୁପଙ୍କ ବୟସ ୬୫ ହୋଇଥିବା ବେଳେ ଜସଲିନ୍ ଙ୍କ ବୟସ ୨୭ ବର୍ଷ । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି ।
ମିଡିଆ ରିପୋର୍ଟ ଅନୁଯାୟୀ, ଜସଲିନ୍ ଏପର୍ଯ୍ୟନ୍ତ ତାଙ୍କ ସଂପର୍କ ବିଷୟରେ କିଛି କହିବାକୁ ପ୍ରସ୍ତୁତ ନଥିଲେ, କିନ୍ତୁ ଏବେ ସେ ତାଙ୍କ ପ୍ରେମକୁ ଦୁନିଆ ସାମ୍ନାରେ ଆଣିବାକୁ ପ୍ରସ୍ତୁତ । ଭଜନ ସମ୍ରାଟ ଅନୁପ ଜଲୋଟା ପୂର୍ବରୁ ତିନି ଜଣଙ୍କୁ ବିବାହ କରି ସାରିଛନ୍ତି ।
