ଭୁବନେଶ୍ୱର (ଏଟିଆର ବ୍ୟୁରୋ): ବଲିଉଡ ଏବଂ ଟିଭି ଇଣ୍ଡଷ୍ଟ୍ରିରେ ସଫଳତା ହାସଲ କରିସାରିଥିବା ଏଲି ଆବ୍ରାହମ ଆଜି ତାଙ୍କର ୨୮ତମ ଜନ୍ମଦିବସ ପାଳନ କରୁଛନ୍ତି । ୨୯ ଜୁଲାଇ ୧୯୯୦ ସ୍ୱିଡେନରେ ଏଲି ଜନ୍ମଗ୍ରହଣ କରିଥିଲେ । ପିଲା ଦିନରୁ ତାଙ୍କର ଫିଲ୍ମ ପ୍ରତି ଆଗ୍ରହ ଥିଲା ।
ଟିଭି ରିଆଲିଟି ଶୋ’ ବିଗ ବସ୍ ରେ ସଲମାନଙ୍କ ସହିତ ଫ୍ଲର୍ଟ କରୁଥିବାର ସେ ନଜର ଆସିଥିଲେ । ଏଲିଙ୍କ ନାଁ କେବଳ ସଲମାନଙ୍କ ସହିତ ସାମିଲ ନାହଁ ବରଂ କ୍ରିକେଟର ହାର୍ଦ୍ଦିକ ପାଣ୍ଡ୍ୟାଙ୍କ ସହ ମଧ୍ୟ ଯୋଡି ହୋଇଛି । ସେ ବଲିଉଡ ସହିତ ଟିଭି ଇଣ୍ଡଷ୍ଟ୍ରିରେ ମଧ୍ୟ ଖୁବ୍ ଲୋକପ୍ରିୟ ଅଭିନେତ୍ରୀ । ତାଙ୍କ ଡ୍ୟାନ୍ସ ସମସ୍ତଙ୍କୁ ପଛରେ ପକାଇ ଦେବ ।
ପ୍ରଥମେ ସେ ‘ମିକି ଭାଇରସ’ ଫିଲ୍ମରେ ନଜର ଆସିଥିଲେ ତା ପରେ ସେ ଅନେକ ଫିଲ୍ମରେ ଅଭିନୟ କରି ସାରିଛନ୍ତି । ଏଲି, ଅଭିନେତ୍ରୀ ଐଶ୍ଚର୍ଯ୍ୟା ରାୟଙ୍କୁ ଦେଖି ଅଭିନୟ କରିବା ପାଇଁ ସ୍ୱପ୍ନ ଦେଖିଥିଲେ । ଆଜି ତାଙ୍କର ସେ ସ୍ୱପ୍ନ ପୂରଣ ହୋଇ ସାରିଛି ।
