ନୂଆଦିଲ୍ଲୀ (ଏଟିଆର ବ୍ୟୁରୋ): ଫିଲ୍ମ ‘ତଡପ’ ରିଲିଜ ହେବା ମାତ୍ରେ ପ୍ରଶଂସକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛି ।
ଏହି ଫିଲ୍ମରେ ଆହାନ୍ ଶେଟ୍ଟି ଏବଂ ତର ସୂତରିଆଙ୍କ କେମେଷ୍ଟ୍ରୀ ପ୍ରଶଂସକଙ୍କ ହୃଦୟକୁ ଜିତିବାରେ ସଫଳ ହୋଇଛି । ସେହିପରି ଫିଲ୍ମର ଗୀତ ଗୁଡିକ ମଧ୍ୟ ଦର୍ଶକଙ୍କ ଉପରେ ଯାଦୁ ଭଳି କାମ କରିଛି । ଫିଲ୍ମଟି ଡିସେମ୍ବର ୩ ରୁ ମୁକ୍ତିଲାଭ କରିଥିଲେ ମଧ୍ୟ ବର୍ତ୍ତମାନ ସମସ୍ତ ନଜର ଫିଲ୍ମର ବକ୍ସ ଅଫିସ କଲେକ୍ସନ ଉପରେ ରହିଛି । ବାକି ଫିଲ୍ମ ତୁଳନାରେ ‘ତଡପ୍’ ବକ୍ସ ଅଫିସରେ ବର୍ତ୍ତମାନ ସୁଧା ଭଲ ପ୍ରଦର୍ଶନ କରୁଥିବା ଜଣାପଡିଛି । ମିଡିଆ ରିପୋର୍ଟ ଅନୁଯାୟୀ, ବର୍ତ୍ତମାନ ଏହି ଫିଲ୍ମ ୨୦ କୋଟି ଅତିକ୍ରମ କରି ସାରିଲାଣି ।
ଏହି ଫିଲ୍ମର କଲେକ୍ସନ କଥା ଯଦି କହିବା ପ୍ରଥମ ଦିନରେ ୪.୫ କୋଟି ଟଙ୍କା ଆୟ କରିଥିଲା । ଦ୍ୱିତୀୟ ଦିନ ୪.୧୨ କୋଟି, ତୃତୀୟ ଦିନ ୫.୩୫ କୋଟି, ଚତୁର୍ଥ ଦିନ ୨.୨୫ କୋଟି, ପଞ୍ଚମ ଦିନ ୨.୧ କୋଟି, ଷଷ୍ଠ ଦିନ ୧.୮୦ କୋଟି ଆୟ କରିଛି । ଏହିଭଳି ସପ୍ତାହକ ଭିତରେ ୨୦ କୋଟି ପାର କରିଛି ।
