ମୁମ୍ବାଇ(ଏଟିଆର ବ୍ୟୁରୋ): ବହୁ ଚର୍ଚ୍ଚିତ ଫିଲ୍ମ ‘ଛପାକ’, ଏସିଡ୍ ଆଟାକ ଉପରେ ଆଧାରିତ ହୋଇଥିବାରୁ ଏହା ଉପରେ ପ୍ରଥମରୁ ହିଁ ଲୋକଙ୍କ ନଜର ରହିଛି । ଆଜି ଏହି ସିନେମାର ପ୍ରଥମ ଟ୍ରେଲର ରିଲିଜ୍ ହୋଇଛି । ତେବେ ସିନେମାଟି ଜାନୁୟାରୀ ୧୦ରେ ରିଲିଜ୍ ହେବ ।
ବଲିଉଡ୍ ଲୋକପ୍ରିୟ ଅଭିନେତ୍ରୀ ଦିପିକା ପାଦୁକୋନ୍ ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସୁଛନ୍ତି । ଟ୍ରେଲରରେ ଦିପିକାଙ୍କ ନିଖୂଣ ଅଭିନୟ ଏବଂ ତାଙ୍କ ଲୋମ ଟାଙ୍କୁରା ଲୁକ୍, ଲୋକଙ୍କୁ ବେଶ୍ ପସନ୍ଦ ଆସିଛି ।
ଫିଲ୍ମଟି ସମ୍ପୁଣ୍ରୂ ଭାବେ ସତ୍ୟ ଘଟଣାରେ ଆଧାରିତ । ତେବେ ଫିଲ୍ମଟିରେ ଏମିତି କିଛି ଦୃଶ୍ୟ ରହିଛି ଯାହା ଦେଖିଲେ, ପୁରା ଘଟଣାଟିକୁ ବିଶ୍ୱାସ କରିବା କଷ୍ଟକର ହୋଇଯିବ ।
ଫିଲ୍ମଟିରେ ଗୋଟିଏ ଏସିଡ୍ ଆଟାକ୍ ହୋଇଥିବା ଝିଅର ସଂଘର୍ଷମୟ କାହାଣୀ ଦର୍ଶାଯାଇଛି । ପ୍ରଥମେ ଏସିଡ୍ ଆଟାକ୍ ଓ ପରେ ନିଜ ଚେହେରାକୁ ପୁରା ଦୁନିଆ ସାମ୍ନାକୁ ଆଣିବା ଯେ ଗୋଟେ ଝିଅ ପାଇଁ କେତେ କଷ୍ଟକର, ତାହା ଏହି ଫିଲ୍ମ ଜରିଆରେ ଲୋକଙ୍କ ପାଖରେ ପହଞ୍ଚିପାରିବ ।
