ନୂଆଦିଲ୍ଲୀ (ଏଟିଆର ବ୍ୟୁରୋ):ପୁଣିଥରେ ରିଲିଜ ହେବାକୁ ଯାଉଛି ୯୦ ଦଶକର ସୁପରହିଟ୍ ଫିଲ୍ମ ଦିଲ୍ୱାଲେ ଦୁଲ୍ହନିୟା ଲେ ଜାଏଁଗେ । ଶାହରୁଖ ଖାନ ଓ କାଜୋଲଙ୍କ ଆଇକନିକ ଫିଲ୍ମ ଦିଲ୍ୱାଲେ ଦୁଲହନିଆ ଲେ ଜାଏଙ୍ଗକୁ ପୂରିଛି ୨୫ ବର୍ଷ। ଆଗରୁ ଜେମିତି ଏହି ଫିଲ୍ମ ସୁପର ହିଟ ଥିଲା ଏବେ ବି ଫିଲ୍ମ ସେମିତି ଲୋକପ୍ରିୟ ଅଛି । ଫିଲ୍ମକୁ ନେଇ କିଛି ଦିନ ହେବ ଏମିତି ଚର୍ଚା ଚାଲିଛି ଯେ ଲାଗୁଛି ଯେମିତି ଏଇ ବର୍ଷ ରିଲିଜ ହୋଇଛି। ଫିଲ୍ମ କ୍ରିଟିକ ତରଣ ଆଦର୍ଶ କହିଛନ୍ତି ଏହି ବ୍ଲକବ୍ଲାଷ୍ଟର ଫିଲ୍ମ ପୁଣି ଥରେ ୧୮ଟି ଦେଶରେ ରିଲିଜ ହେବ। ଏଥିପାଇଁ ତାଲିକା ପ୍ରସ୍ତୁତି ସରିଛି, ଆମେରିକା, ୟୁକେ, ୟୁଏଇ, ସାଉଦି ଆରବ, କତର, ମରିସିୟସ, ସାଉଥ ଆଫ୍ରିକା, ନ୍ୟୁଜିଲାଣ୍ଡ, ଫିଜି, ଜର୍ମାନୀ, ସ୍ୱିଡେନ, ନରୱେ, ସ୍ୱିଜରଲ୍ୟାଣ୍ଡ, ଇଷ୍ଟୋନିଆ ଓ ଫିନଲାଣ୍ଡରେ ରିଲିଜ ହେବ। ଏହି ଫିଲ୍ମର କ୍ରେଜ କେବଳ ଭାରତରେ ନୁହେଁ ବିଦେଶରେ ମଧ୍ୟ ବଢିବାରେ ଲାଗିଛି । ।ଫିଲ୍ମକୁ ୨୫ ବର୍ଷ ପୂରିଥିବାରୁ ଶାହରୁଖ ଓ କାଜୋଲଙ୍କୁ ମଧ୍ୟ ସ୍ୱତନ୍ତ୍ର ସମ୍ମାନ ଦିଆଯିବ। ପ୍ରଥମଥର ପାଇଁ ଏହି ଆଇକନିକ ଫିଲ୍ମକୁ ଲଣ୍ଡନର ଲିଷ୍ଟେର ସ୍ୱାୟରରେ ସମ୍ମାନିତ କରାଯିବ। ଫିଲ୍ମର ଏକ ଦୃଶ୍ୟକୁ ସିନ୍ସ ଇନ ଦ ସ୍କ୍ବାୟରରେ ସାମିଲ କରାଯିବ।ଫିଲ୍ମକୁ ୨୫ ବର୍ଷ ପୂରିଥିବାରୁ ଶାହରୁଖ ଓ କାଜୋଲଙ୍କୁ ମଧ୍ୟ ସମ୍ମାନ ଦିଆଯାଇ ଫିଲ୍ମ ଚରିତ୍ର ରାଜ୍ ଓ ସିମରନରଙ୍କୁ ମୂର୍ତ୍ତୀ ଉନ୍ମୋଦନ ହେବ । ଏହାକୁ ନେଇ କିଙ୍ଗ ଖାନ ଶାହରୁଖ ଓ କାଜୋଲ ଉତ୍ସାହିତ ଅଛନ୍ତି ଓ ସେ ତାଙ୍କ ଟ୍ୱିଟର ଆକଉଣ୍ଟରେ ନିଜ ନାମ ମଧ୍ୟ ବଦଳାଇଛନ୍ତି ।
