ମୁମ୍ବାଇ (ଏଟିଆର ବ୍ୟୁରୋ): ବିଶ୍ୱ ଆର୍ଥିକ ମଞ୍ଚର ୫୦ତମ ବାର୍ଷିକ ବୈଠକ ଅବସରରେ ଡିମ୍ପଲ ଗର୍ଲ ଦୀପିକା ପାଦୁକୋନଙ୍କୁ ପ୍ରତିଷ୍ଠିତ କ୍ରିଷ୍ଟଲ ସମ୍ମାନରେ ସମ୍ମାନୀତ କରାଯିବ । ଡବ୍ଲ୍ୟୁ.ଇ.ଏଫ୍ ପକ୍ଷରୁ ଆଗାମୀ ଜାନୁଆରୀ ୨୦ ରେ ହେବାକୁ ଥିବା ବାର୍ଷିକ ବୈଠକରେ ୪ ଜଣ ବିଶିଷ୍ଟ କଳାକାରଙ୍କୁ, ସମାଜରେ ସେମାନଙ୍କର ଉଲ୍ଲେଖନୀୟ ଅବଦାନ ପାଇଁ କ୍ରିଷ୍ଟଲ ଆୱାର୍ଡ ଦେବାର ନିଷ୍ପତି ନିଆଯାଇଛି ।
କ୍ରିଷ୍ଟଲ ଆୱାର୍ଡରେ ସମ୍ମାନୀତ ହେବାକୁ ଥିବା କଳାକାରଙ୍କ ମଧ୍ୟରେ ଆମେରିକାର ଥିଏଟର ଗେଷ୍ଟ, ଚୀନ୍ ର କୋରିଓଗ୍ରାଫର ଜିନ୍ ଶିଙ୍ଗ, ଭାରତର ଅଭିନେତ୍ରୀ ଦୀପିକା ପାଦୁକୋନ୍ ଏବଂ ଅଷ୍ଟ୍ରେଲିଆର ଫିଲ୍ମ ନିର୍ମାତା ଲିନେଟ ବଲବର୍ଥଙ୍କୁ ଏହି ପୁରସ୍କାରରେ ସମ୍ମାନୀତ କରାଯିବ ।
ସ୍ୱାସ୍ଥ୍ୟକୁ ନେଇ ସମାଜ ଏବଂ ଲୋକଙ୍କ ୁ ଜାଗୃତ କରାଇବା ଲାଗି ଦୀପିକାଙ୍କୁ ଏହି ପୁରସ୍କାର ଦିଆଯିବ । ସେପଟେ ଏହି ପୁରସ୍କାର ଘୋଷଣା ହେବା ପରେ ଦୀପିକା ପାଦୁକୋନ ତାଙ୍କ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି କି ଏହି ପୁରସ୍କାରରେ ସମ୍ମାନୀତ ହେବାକୁ ନେଇ ମୁଁ ନିଜକୁ ସମ୍ମାନୀତ ଅନୁଭବ କରୁଛି । ଏହାସହିତ ଏହି ପୁରସ୍କାରକୁ ଦୁନିଆର ସେହି ଲୋକ ମାନଙ୍କୁ ସମର୍ପିତ କରୁଛି, ଯେଉଁମାନେ ନିଜ ଜୀବନରେ ଡର, ଚିନ୍ତା ଏବଂ ଅବସାଦ ଭଳି ମାନସିକ ସମସ୍ୟାର ସାମ୍ନା କରିଛନ୍ତି ।
