ନୂଆଦିଲ୍ଲୀ (ଏଟିଆର ବ୍ୟୁରୋ): ଓସ୍କାର ୨୦୨୩ ରେ ଉପସ୍ଥାପିକା ଭାବେ ନଜର ଆସିବେ ଅଭିନେତ୍ରୀ ଦୀପିକା ପାଦୁକୋନ୍ । ଗୁରୁବାର ଦୀପିକା ସମସ୍ତ ଉପସ୍ଥାପକଙ୍କ ନାମ ସହିତ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି। ଏଥିରେ ଦୀପିକା ସାମିଲ ଅଛନ୍ତି ଯାହା ଦେଶ ପାଇଁ ଗର୍ବର କଥା ।
ଦୀପିକା ସେୟାର କରିଥିବା ତାଲିକାରେ ଡଭେନ ଜନସନ୍, ମାଇକଲ ବି ଜାର୍ଡନ, ରିଜ ଅହମଦ,ଏମିଲି ବ୍ଲଣ୍ଟ, ଗ୍ଲେନ କ୍ଲୋଜ, ଟ୍ରାୟ କୋସ୍ତୁର,ଜେନିଫର କୋନେଲି,ସ୍ୟାମୁଅଲ ଏଲ ଜ୍ୟାକ୍ସନ, ମୋଲିସା ମ୍ୟାକକାର୍ଥି, ଜୋ ସଲଦାନା, ଡାନି ୟେନ, ଯୋନାଥନ ମେଜର୍ସ,କ୍ୱେଷ୍ଟଲଭ ଏବଂ ଦୀପିକା ପାଦୁକୋନଙ୍କ ନାଁ ସାମିଲ ଅଛି ।
ସୂଚନାଯୋଗ୍ୟ, ମାର୍ଚ୍ଚ ୧୨ରେ ଲସ ଆଞ୍ଜେଲ୍ସର ଡାଲି ଥିଏଟରରେ ଆୟୋଜିତ ହେବ ୯୫ତମ ଏକାଡେମୀ ଆୱାର୍ଡସ । ଓସ୍କର ରେ ଏହା ଭାରତ ପାଇଁ ଖାସ୍ ବର୍ଷ । ଏଥର ଗୋଟେ ନୁହେଁ ବରଂ ତିନୋଟି ଭାରତୀୟ ଫିଲ୍ମ ଓସ୍କା ଆୱାର୍ଡ ୨୦୨୩ ରେ ନୋମିନେସନ ହୋଇଛି ।
