ନୂଆଦିଲ୍ଲୀ (ଏଟିଆର ବ୍ୟୁରୋ): ନିର୍ଦ୍ଦେଶକ ଅଭିଶେକ ପାଠକଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ଦ୍ରିଶ୍ୟମ ୨’ ଲଗାତର ଭାବେ ବକ୍ସଅଫିସରେ ଧମାଲ କରିବାରେ ଲାଗିଛି । ରିଲିଜର ସପ୍ତମ ଦିନରେ ମଧ୍ୟ ଫିଲ୍ମଟି ବକ୍ସଅଫିସରେ ଭଲ ପ୍ରଦର୍ଶନ କରିଛି । ଅଜୟ ଦେବଗନଙ୍କ ଏହି ଫିଲ୍ମଟି ପ୍ରଥମ ସପ୍ତାହରେ ୧୦୦ କୋଟି ପାର କରି ଧମାଲ କରିଛି ।
ଟ୍ରେଡ ଏନାଲିଷ୍ଟ ସୁମିତ କଡେଲଙ୍କ ମୁତାବକ, ଦ୍ରିଶ୍ୟମ ୨ ରିଲିଜ୍ ର ୭ମ ଦିନ ଧମାକାଦାର ଆୟ କରିଛି । ଯେଉଁଥିପାଇଁ ଫିଲ୍ମଟି ପ୍ରଥମ ସପ୍ତାହରେ ୧୦୦ କୋଟି ପାର୍ କରି ସାରିଛି । ଗୁରୁବାର ଫିଲ୍ମଟି ୯ କୋଟି ଆୟ କରିଥିଲା । ଏହାପରେ ବକ୍ସଅଫିସର ମୋଟ କଲେକ୍ସନ ୧୦୪ କୋଟି ରେ ପହଁଚିଛି ।
