ନୂଆଦିଲ୍ଲୀ (ଏଟିଆର ବ୍ୟୁରୋ): ବକ୍ସ ଅଫିସରେ ଧମାଲ ମଚାଉଛି ‘ଏକ ଭିଲେନ ରିର୍ଟନ୍ସ’ । ଫିଲ୍ମଟି ରିଲିଜ୍ ହେବାର ତିନିଦିନ ମଧ୍ୟରେ ଆଶାଠାରୁ ଅଧିକ ଆୟ କରିଛି । ଅର୍ଜୁନ କପୁର, ଜନ୍ ଅବ୍ରାହମ୍, ଦିଶା ପଟ୍ଟାନୀ ଏବଂ ତାରା ସୁତରିଆଙ୍କ ଏହି ଫିଲ୍ମ ରବିବାର ୯.୦୨ କୋଟି ଆୟ କରିଥିବା ବେଳେ ଶନିବାର ୭.୪୭ କୋଟି ଏବଂ ଶୁକ୍ରବାର ୭.୦୫ କୋଟି ଆୟ କରିଥିଲା । ତିନିଦିନ ମଧ୍ୟରେ ଫିଲ୍ମଟି ୨୩.୫୪ କୋଟି ଆୟ କରିଛି । ଅବଶ୍ୟ ଆଡଭାନ୍ସ ବୁକିଂ ଜରିଆରେ ଫିଲ୍ମଟି ପ୍ରଥମେ ଦୁଇକୋଟି ଆୟ କରିଛି ।
ଟି-ସିରିଜ ଏବଂ ବାଲାଜି ଟେଲିଫିଲ୍ମସର ମିଳିତ ସହଯୋଗରେ ଫିଲ୍ମଟି ନିର୍ମାଣ କରାଯାଇଛି । ଏହି ଫିଲ୍ମର ପ୍ରଥମ ପାର୍ଟ ୨୦୧୪ ମସିହାରେ ରିଲିଜ୍ ହୋଇଥିଲା । ଏବେ ଦୀର୍ଘ ଆଠ ବର୍ଷ ପରେ ଫିଲ୍ମଟିର ଦ୍ୱିତୀୟ ପାର୍ଟ ରିଲିଜ୍ ହୋଇଛି । ଯାହାକୁ ଫ୍ୟାନ୍ସ ଖୁବ୍ ପସନ୍ଦ ମଧ୍ୟ କରୁଛନ୍ତି ।
