ନୂଆଦିଲ୍ଲୀ (ଏଟିଆର ବ୍ୟୁରୋ); ଏବେ ସାରା ଦୁନିଆରେ ସମସ୍ତଙ୍କୁ ଘାରିଛି ଫିଫା ବିଶ୍ୱକପର ଫିବର । କତାର ରେ ଚାଲିଛି ଫିଫାର ମହାମୁକାବିଲା । ୨୯ ନଭେମ୍ବର ବଲିଉଡ ପାଇଁ କିଛି ସ୍ପେଶାଲ ରହିଛି । କାରଣ ବଲିଉଡର ଡ୍ୟାନ୍ସିଂ ଡିଭା ନୋରା ଫତେହୀ ଫିଫା ଫ୍ୟାନ ଫେଷ୍ଟରେ ଦମଦାର ଡ୍ୟାନ୍ସ କରିବାକୁ ଯାଉଛନ୍ତି । ସେଥିପାଇଁ ନୋରା ନିଜକୁ ଖୁବ୍ ପ୍ରସ୍ତୁତ କରିଛନ୍ତି ।
ଫିଫା ଫେଷ୍ଟରେ ଲାଇଭ ପରଫରମାନ୍ସ କରିବେ ନୋରା । ଏଥିପାଇଁ ନୋରା ମଧ୍ୟ ଖୁବ୍ ଉତ୍ସାହିତ ଅଛନ୍ତି । ଲାଇଭ ସୋ ପାଇଁ କରୁଥିବା ପ୍ରସ୍ତୁତିର ଭିଡିଓ ନୋରା ତାଙ୍କ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଏହି ଭିଡିଓରେ ନୋରା ତାଙ୍କ ଗ୍ରୁପ ସହିତ କଡା ପରିଶ୍ରମ କରୁଛନ୍ତି । ନୋରାଙ୍କ ଏହି ପରିଶ୍ରମକୁ ଫ୍ୟାନ୍ସମାନେ ଖୁବ୍ ପ୍ରଶଂସା କରୁଛନ୍ତି ।
