ନୂଆଦିଲ୍ଲୀ (ଏଟିଆର ବ୍ୟୁରୋ); ସନି ଦେଓଲ ଓ ଅମିଷା ପଟେଲଙ୍କ ଅଭିନୀତ ଫିଲ୍ମ ‘ଗଦର୨’ ବକ୍ସ ଅଫିସରେ ଧମାଲ କରୁଛି । ଏହି ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଏକ ସ୍ୱତନ୍ତ୍ର କ୍ରେଜ ରହିଛି । ଫିଲ୍ମଟି ପାଖାପାଖି ବିଶ୍ୱବ୍ୟାପି ୪୦୦ କୋଟି ରୁ ଅଧିକ ଆୟ କରିସାରିଲାଣି । ଏବେ ଏହି ଫିଲ୍ମକୁ ନେଇ ଏକ ଚର୍ଚ୍ଚା ଜୋର ଧରିଛି । ସିନେମାହଲ ପରେ ଓଟିଟି ପ୍ଲାଟଫର୍ମରେ ଫିଲ୍ମଟି ରିଲିଜ୍ ହେବ ବୋଲି ଚର୍ଚ୍ଚା ହେଉଛି ।
ବକ୍ସଅଫିସ ଭଳି ଫିଲ୍ମଟି ଓଟିଟିରେ ମଧ୍ୟ ଧମାଲ କରିବ ବୋଲି ଫିଲ୍ମର ନିର୍ଦ୍ଦେଶକ ଆଶା ରଖିଛନ୍ତି । କିନ୍ତୁ ମୁଖ୍ୟ କଥା ହେଉଛି ଓଟିଟି ପାଇଁ ଦର୍ଶକଙ୍କୁ ଟିକେ ଅପେକ୍ଷା କରିବାକୁ ପଡିବ । କାରଣ ଫିଲ୍ମଟି ସିନେମା ହଲରେ ରିଲିଜ୍ ହେବାର ଚାରି ସପ୍ତାହ ପରେ ଓଟିଟିରେ ରିଲିଜ୍ ହେବାର ନିୟମ ରହିଛି । ହେଲେ ଫିଲ୍ମଟି ଓଟିଟି କେବେ ରିଲିଜ୍ ହେବ ସେନେଇ କୌଣସି ସ୍ପଷ୍ଟିକରଣ ଦିଆଯାଇନାହିଁ ।
