ନୂଆଦିଲ୍ଲୀ (ଏଟିଆର ବ୍ୟୁରୋ): ସାଉଥ ହିରୋ ପ୍ରଶାନ୍ତ ବର୍ମାଙ୍କ ଅପକମିଂ ଫିଲ୍ମ ‘ହନୁମାନ’ ର ଟିଜର ରିଲିଜ ହୋଇଯାଇଛି । ଏହାକୁ ଦର୍ଶକ ଖୁବ୍ ପସନ୍ଦ କରୁଛନ୍ତି । ଏହି ଫିଲ୍ମର ଟିଜର ଦେଖିବା ପରେ ଲୋକେ ପ୍ରଭାସଙ୍କ ଆଗାମୀ ଫିଲ୍ମ ‘ଆଦିପୁରୁଷ’ କୁ ଟ୍ରୋଲ କରିବା ଆରମ୍ଭ କରିଦେଇଛନ୍ତି ।
ଫିଲ୍ମ ‘ହନୁମାନ’ ର ଭିଜିଏମ ଠାରୁ ଆରମ୍ଭ କରି ଭିଏଫଏକ୍ସ ପର୍ଯ୍ୟନ୍ତ ଲୋକ ଖୁବ୍ ପ୍ରଶଂସା କରୁଛନ୍ତି । ଟିଜରରେ ଦମଦାର ଆକ୍ସନ ସହିତ ସୁନ୍ଦର ଭିଜୁଆଲ ଦର୍ଶକଙ୍କ ହୋସ ଉଡାଇ ଦେଇଛି । ଫିଲ୍ମ ପ୍ରଭୁ ଶ୍ରୀରାମଙ୍କ ଭକ୍ତ ଶକ୍ତିଶାଳୀ ହନୁମାନଙ୍କ ଉପରେ ଆଧାରିତ ।
ସୂଚନଯୋଗ୍ୟ, ଅକ୍ଟୋବର ମାସରେ ପ୍ରଭାସଙ୍କ ଫିଲ୍ମ ଆଦିପୁରୁଷର ଟିଜର ରିଲିଜ ହୋଇଥିଲା । ଯାହା ଦର୍ଶକଙ୍କୁ ଏତେଟା ପସନ୍ଦ ଆସିନଥିଲା । ଏବେ ପୁଣି ଫିଲ୍ମ ହନୁମାନ ର ଟିଜର ସାମ୍ନାକୁ ଆସିବା ପରେ ଲୋକେ ଦୁଇଟି ଫିଲ୍ମର ଟିଜରର ଭିଏଫଏକ୍ସ ମାମଲାରେ ତୁଳନା କରିଛନ୍ତି । ଏବେ କହିଛନ୍ତି ଆଦିପୁରୁଷ ଠାରୁ ଫିଲ୍ମ ହନୁମାନ ହଜାର ଗୁଣାରେ ଭଲ ହୋଇଛି ।
