ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ବେବୋ ଓରଫ କରୀନା କପୁର ଆଜି ତାଙ୍କର ୩୮ତମ ଜନ୍ମ ଦିବସ ପାଳନ କରୁଛନ୍ତି । ଜଣେ ନାମୀ ଦାମୀ ଅଭିନେତ୍ରୀଙ୍କ ମଧ୍ୟରୁ କରୀନା ହେଉଛନ୍ତି ଜଣେ । ସେ ତାଙ୍କ ପରିବାର ସହ ମିଶି ଖୁବ୍ ଉତ୍ସାହର ସହ ତାଙ୍କ ଜନ୍ମ ଦିନ ପାଳନ କରୁଥିବାର କିଛି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହାସହିତ ତାଙ୍କର ଏହି ଫଟୋକୁ ଫ୍ୟାନ୍ସମାନେ ଖୁବ୍ ପସନ୍ଦ କରିଛନ୍ତି ।
ସମାନ ରାତି ୧୨ଟାରେ କରୀନାଙ୍କ ପରିବାର ତାଙ୍କୁ ଜନ୍ମ ଦିନର ସରପ୍ରାଇଜ୍ ପାର୍ଟି ଦେଇଛନ୍ତି । ଏହି ଅବସରରେ ସୈଫ୍ ଅଲ୍ଲୀ ଖାଁ, ସୋହା ଅଲ୍ଲୀ ଖାଁ, କରିସ୍ମା କପୁର, କୁନାଲ ଖେମୁ ଏବଂ କରୀନାଙ୍କ ମାତା-ପିତା ସାମିଲ ଥିଲେ । ଏଥିରେ ସମସ୍ତେ ମସ୍ତି, ମଜାକ କରୁଥିବାର ଦେଖିବାକୁ ମିଳୁଛି । ଅନ୍ୟପଟରେ କରୀନାଙ୍କ କେକ୍ ମଧ୍ୟ ଖୁବ୍ ସୁନ୍ଦର ହୋଇଛି । ସେହି କେକ୍ ରେ ହାପି ବାର୍ଥ ଡେ ବେବୋ ଲେଖା ହେବା ସହ ଏକ କଳା ରଙ୍ଗର ଡ୍ରେସ ପିନ୍ଧି ଏକ ସୁନ୍ଦର ଯୁବତୀ ବସିଥିବାର ନଜର ଆସୁଛି । ଯାହାଙ୍କ ହାତରେ ଏକ ୱାଇନ୍ ଗ୍ଲାସ୍ ରହିଛି ।
ସେପଟେ କରୀନା ଜନ୍ମ ଦିନ ଅବସରରେ ସଂପୂର୍ଣ୍ଣ କାଜୁଆଲ ଲୁକ୍ ରେ ନଜର ଆସିଥିଲେ । ସେ ଧଳା ରଙ୍ଗର ଏକ ଟି-ସାର୍ଟ ଏବଂ ଜିନ୍ସ ପିନ୍ଧି ଖୁବ୍ ସୁନ୍ଦର ଦିଶୁଥିଲେ । ଏହାସହିତ ପରିବାର ସହ ମିଶି ଫଟୋ ପୋଜ୍ ଦେଉଥିବାର ଦେଖିବାକୁ ମିଳିଛି ।
Happy birthday Kareena Kapoor Khan! ? Here's how she celebrated tonight with her family. pic.twitter.com/HQHql1vWJq
— Kareena Kapoor Khan (@KareenaOnline) September 21, 2018
