ନୂଆଦିଲ୍ଲୀ (ଏଟିଆର ବ୍ୟୁରୋ): ସିଙ୍ଗିଙ୍ଗ ରିଆଲିଟି ସୋ ଇଣ୍ଡିଆନ ଆଇଡଲ ୧୨ ଖୁବ୍ ଚର୍ଚ୍ଚାରେ ରହିଥିଲା । ପୱନଦୀପ ରାଜନ ସୋ’ ର ବିଜେତା ହୋଇଛନ୍ତି ସତ କିନ୍ତୁ ତାଙ୍କ ସହିତ ଏଭଳି ଅନେକ ପ୍ରତିଯୋଗୀ ରହିଥିଲେ ଯିଏ ପୁରା ସିଜିନ୍ ରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିଲେ । ଏଥିରେ ସାମିଲ ଅଛନ୍ତି ଅରୁନୀତା କାଞ୍ଜିଲାଲ । ଯିଏ ନିଜ କଣ୍ଠର ଯାଦୁରେ ଦର୍ଶକଙ୍କ ହୃଦୟ ଜିତିବା ସହ ସୋ’ର ରନର୍ସଅପ ମଧ୍ୟ ହୋଇଥିଲେ । ସେ ଏବେ ସୋସିଆଲ ମିଡିଆର ଷ୍ଟାର ହୋଇ ଯାଇଛନ୍ତି ।
ଏବେ ଅରୁଣିତାଙ୍କ ଏକ ଫଟୋ ସାମ୍ନାକୁ ଆସିଛି । ଯାହାକୁ ଦେଖି ତାଙ୍କ ଫ୍ୟାନ୍ସମାନେ ଖୁସି ହୋଇ ପଡିଛନ୍ତି । ଖବରମୁତାବକ, ଅରୁନୀତା ଖୁବ୍ ଶୀଘ୍ର କୌନ ବନେଗା କରୋଡପତି ୧୩ ରେ ଅମିତାଭ ବଚ୍ଚନଙ୍କ ସାମ୍ନାରେ ହଟ୍ ସିଟ୍ ବସିବାର ନଜରକୁ ଆସି ପାରନ୍ତି । ସେଟ୍ ରୁ ଭାଇରାଲ ହୋଇଥିବା ଏହି ଫଟୋରେ କେବେସି ର ହୋଷ୍ଟ ଅମିତାଭ ବଚ୍ଚନ ଏବଂ ତାଙ୍କ ପିତାଙ୍କ ସହିତ ନଜରକୁ ଆସୁଛନ୍ତି । ଏହି ଫଟୋକୁ ଦେଖି ଅନୁମାନ କରାଯାଉଛି କି କେବେସି ରେ ଅଂଶଗ୍ରହଣ କରିବେ ଅରୁଣୀତା । ଅବଶ୍ୟ ଏନେଇ ଅଫିସିଆଲି ସ୍ପଷ୍ଟିକରଣ ହୋଇନାହିଁ । ଆହୁରି ମଧ୍ୟ କୁହାଯାଉଛି କି କେବିସି ର ହଟ୍ ସିଟ୍ ରେ ଅରୁଣୀତାଙ୍କ ସାଥ୍ ଦେବେ ପୱନଦୀପ । ଏହି ଫଟୋ ଅରୁଣୀତାଙ୍କ ଭାଇ ଅନୀଷ ତାଙ୍କ ସୋସିଆଲ ମିଡିଆରେ ପୋଷ୍ଟ କରିଛନ୍ତି ।
