ନୂଆଦିଲ୍ଲୀ (ଏଟିଆର ବ୍ୟୁରୋ): ହଲିଉଡରେ ଡେବ୍ୟୁ କରିବାକୁ ଯାଉଛନ୍ତି ବଲିଉଡ ହିରୋ ଇଶାନ ଖଟ୍ଟର । ନିକୋଲ କିଡମ୍ୟାନ ଏବଂ ଲିଭ ସ୍କ୍ରାଇବରଙ୍କ ସହ ‘ଦି ପରଫେକ୍ଟ କପଲ’ ପ୍ରୋଜେକ୍ଟରେ ଇଶାନଙ୍କୁ କାଷ୍ଟ କରାଯାଇଛି । ଏନେଇ ଇଶାସନ ତାଙ୍କ ଇଂଷ୍ଟାଗ୍ରାମରେ ପୋଷ୍ଟ ସେୟାର କରି ଘୋଷଣା କରିଛନ୍ତି ।
ସୋସିଆଲ ମିଡିଆରେ ଇଶାନ ତାଙ୍କର ଖୁସୀ ସେୟାର କରିବା ପରେ ବନ୍ଧୁ ଓ ପରିବାର ବର୍ଗଙ୍କ ସମେତ ଚାରିଆଡୁ ସମସ୍ତେ ତାଙ୍କୁ ଅଭିନନ୍ଦନ ଜଣାଉଛନ୍ତି ।
ସୂଚନାଯୋଗ୍ୟ, ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ଷ୍ଟ୍ରିମ ହେବ ପରଫେକ୍ଟ କପଲ । ଏହି ସିରିଜ୍ ରେ ଇଶାନଙ୍କ ସମେତ ନିକୋଲ କିଡମ୍ୟାନ, ମେଘନ ସିଂହ, ଡାକୋଟା ଫ୍ୟାନିଂ, ଇସାବେଲ ଅଦଜାନି ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜରକୁ ଆସିବେ ।
