ମୁମ୍ବାଇ (ଏଟିଆର ବ୍ୟୁରୋ): ହୁଏତ ବଲିଉଡର ଚାନ୍ଦିନୀ ଆମ ମାନଙ୍କ ଗହଣରେ ନାହାନ୍ତି । କିନ୍ତୁ ତାଙ୍କ ଅଭିନୟର ଯାଦୁ ଏବଂ ତାଙ୍କ ନୃତ୍ୟର ଜଲୱା ପାଇଁ ସେ ଆଜି ବି ତାଙ୍କ ଫ୍ୟାନ୍ସ ମାନଙ୍କ ହୃଦୟରେ ଜୀବିତ ଅଛନ୍ତି । ଏବେ ଶ୍ରୀଦେବୀଙ୍କ ଝିଅ ଏଭଳି କିଛି କରିବା ପାଇଁ ଯାଉଛନ୍ତି । ଜାହ୍ନବି ତାଙ୍କର ଡେବ୍ୟୁ ଫିଲ୍ମ ‘ଧଡକ’ ରେ କଥକ ନୃତ୍ୟ ପରିବେଶଣ କରୁଥିବାର ନଜର ଆସିବେ । କେବଳ ଏତିକି ନୁହେଁ ଫିଲ୍ମର କୋରିଓଗ୍ରାଫର ତୁଷାରଙ୍କ କହିବାନୁଯାୟୀ ଏହି ନୃତ୍ୟରେ ଜାହ୍ନବି ଅବିକଳ ଶ୍ରୀଦେବୀଙ୍କ ଭଳି ନଜର ଆସିବେ ।
ଫିଲ୍ମ ‘ଏ ଦିଲ ହୈ ମୁଶକିଲ’ରେ ଭଲ କୋରିଓଗ୍ରାଫ କରି ଏକ ପରିଚୟ ସୃଷ୍ଟି କରିଥିବା ତୁଷାର, ଫିଲ୍ମ ‘ଧଡକ’ ରେ ଜାହ୍ନବିଙ୍କୁ କଥକ ନୃତ୍ୟର ପ୍ରଶିକ୍ଷଣ ଦେଇଥିଲେ ।
ତୁଷାରଙ୍କ କହିବାନୁଯାୟୀ, ହୁଏତ ଜାହ୍ନବି ଜଣେ ଟ୍ରେଣ୍ଡ ଡ୍ୟାନ୍ସର ନୁହଁନ୍ତି, କିନ୍ତୁ ତାଙ୍କୁ ଦେଖିଲେ ଜଣାପଡୁନି କି ସେ ଡ୍ୟାନ୍ସ ଶିଖି ନାହାନ୍ତି । ସେ ଶ୍ରୀଦେବୀ ମା’ଙ୍କ ଝିଅ ନୃତ୍ୟ ତାଙ୍କ ଜିନ୍ରେ ଅଛି । ସେ ଯେଉଁ ଭଳି ନୃତ୍ୟ କରୁଛନ୍ତି ସେଥିରେ ଆପଣ ଶ୍ରୀଦେବୀ ମା’ଙ୍କ ଝଲକ ଦେଖିପାରିବେ ।
