ନୂଆଦିଲ୍ଲୀ (ଏଟିଆର ବ୍ୟୁରୋ): କ୍ରମାଗତ ଭାବେ ନୂଆ ନୂଆ ରେକର୍ଡ କରିଚାଲିଛି ଶାହରୁଖ ଖାଁଙ୍କ ଫିଲ୍ମ ‘ଜୱାନ’ । ବକ୍ସଅଫିସରେ ଜାରି ରଖିଛି ତାର ଜଲୱା । ପ୍ରଥମ ଦିନରୁ ରେକର୍ଡ ବ୍ରେକ କରିଥିବା ଜୱାନ ରିଲିଜ୍ ହେବାର ଏକ ସପ୍ତାହ ପୁରଣ କରିଛି । କିନ୍ତୁ ଥମୁନି ଜୱାନର କ୍ରେଜ୍ ।
ଜୱାନରେ ଶାହରୁଖ ଓ ନୟନତାରାଙ୍କ କେମେଷ୍ଟ୍ରୀ ପରଦାରେ ନିଆଁ ଲଗେଇ ଦେଇଛି । ଉଭୟଙ୍କୁ ପ୍ରଥମ ଥର ଏକାଠି ଦେଖି ଫ୍ୟାନ୍ସଙ୍କ ମନରେ ଖୁସୀ ଦେଖିବାକୁ ମିଳିଛି ।
ଏକ ରିପୋର୍ଟ ମୁତାବକ, ବୁଧବାର ଯାଏଁ ଫିଲ୍ମଟି ୱାଲ୍ଡୱାଇଡ ୬୫୦ କୋଟି ଆୟ କରିଥିଲା । ଗୁରୁବାର ୧୦ କୋଟି ଆୟ କରିଥିଲା । ୮ ଦିନ ମଧ୍ୟରେ ଫିଲ୍ମଟି ସାରା ଦୁନିଆରେ ୬୬୦ କୋଟି ଆୟ କରିବାରେ ସଫଳ ହୋଇଛି । ୱିକେଣ୍ଡରେ ୭୦୦ କୋଟି ପାର୍ କରିବ ବୋଲି ଆଶା ରହିଛି ।
