ନୂଆଦିଲ୍ଲୀ (ଏଟିଆର ବ୍ୟୁରୋ): ରିଷଭ ସେଟ୍ଟୀଙ୍କ ଫିଲ୍ମ କାନ୍ତାରାର ସଫଳତା ପରେ ପାର୍ଟ ୨ ଅପେକ୍ଷାରେ ଦର୍ଶକ । କାନ୍ତାରା-୨ ର କୌଣସି ବି ଅପଡେଟ ଆସିବା ମାତ୍ରା ଫ୍ୟାନ୍ସଙ୍କ ମନରେ ଉତ୍ସାହ ଦ୍ୱିଗୁଣିତ ହୋଇଯାଏ ।
ଏହାରି ମଧ୍ୟରେ ଏବେ କାନ୍ତାରା-୨ କୁ ନେଇ ଏକ ବଡ ଘୋଷଣା ହୋଇଛି । ଯାହା ଆପଣଙ୍କ ଉତ୍ସାହକୁ ଆହୁରି ବଢାଇ ଦେବ । ଫିଲ୍ମ କ୍ରୀଟିକ୍ସ ତରଣ ଆଦର୍ଶ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ କାନ୍ତାରା-୨ କୁ ନେଇ ବଡ ଅପଡେଟ୍ ସେୟାର କରିଛନ୍ତି ।
କିଛି ଦିନ ହେବ ଚର୍ଚ୍ଚା ହେଉଥିଲା କି କାନ୍ତାରା ର ସିକ୍ୱଲ ନୁହେଁ ବରଂ ପ୍ରିକ୍ୱଲ ବନା ଯିବ । ଅର୍ଥାତ ଫିଲ୍ମର ପୂର୍ବ କାହାଣୀ କୁ ଦର୍ଶାଯିବ । ରିଷଭ ସେଟ୍ଟୀ ମଧ୍ୟ ଗୋଟେ ଦିନ ପୂର୍ବେ ଏକ ଇଂଟରଭ୍ୟୁରେ କହିଥିଲେ କି, କାନ୍ତାରର ପ୍ରିକ୍ୱଲ ନିର୍ମାଣ ହେବାକୁ ଯାଉଛି । ସେହିପରି ଏବେ ତରଣ ଆଦର୍ଶ ମଧ୍ୟ ଏନେଇ ସୋସିଆଲ ମିଡିଆରେ ଅଫିସିଆଲ ଘୋଷଣା କରି କହିଛନ୍ତି କି କାନ୍ତାରା ର ପ୍ରିକ୍ୱଲ ପାଇଁ ପ୍ରସ୍ତୁତ ହୋଇଯାଅ ।
