ନୂଆଦିଲ୍ଲୀ (ଏଟିଆର ବ୍ୟୁରୋ): ଗତକାଲି ବିବାହ ବନ୍ଧନରେ ବାନ୍ଧି ହୋଇଛନ୍ତି ବଲିଉଡ ଅଭିନେତା ବରୁଣ ଧୱନ । ଆଲିବାଗ ର ‘ଦି ମ୍ୟାନସନ୍ ହାଉସ’ ଭିଲାରେ ନତାଶାଙ୍କ ସହ ସାତ ଫେରା ନେଇଛନ୍ତି ବରୁଣ । କରୋନା ପାଇଁ ବାହାଘରରେ ଅଳ୍ପ ସଂଖ୍ୟକ ସେଲିବ୍ରିଟି ସାମିଲ ହୋଇଥିଲେ । ଏଥିରେ ବଲିଉଡ ଫିଲ୍ମ ନିର୍ମାତା-ନିର୍ଦ୍ଦେଶକ କରଣ ଜୋହର ବି ସାମିଲ ଥିଲେ । ବରୁଣଙ୍କ ବିବାହରେ କରଣ ଜୋହର ସାମିଲ ହେବା ସହିତ ସୋସିଆଲ ମିଡିଆରେ ଏକ ଖାସ୍ ପୋଷ୍ଟ ମଧ୍ୟ କରିଥିଲେ ।
କରଣ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ବରୁଣଙ୍କ ବିବାହର ଦୁଇଟି ଫଟୋ ପୋଷ୍ଟ କରିଛନ୍ତି । ଏହାସହିତ ଏହି ଫଟୋରେ ସେ ଏକ ଲମ୍ବା ଚଉଡା ଭାବୁକ ପୋଷ୍ଟ ବି ଲେଖିଛନ୍ତି ।
କରଣ ଜୋହରଙ୍କ ଫିଲ୍ମ ଷ୍ଟୁଡେଣ୍ଟ ଅଫ୍ ଦି ଇୟର ରେ ବଲିଡଉରେ ଡେବ୍ୟୁ କରିଥିଲେ ବରୁଣ । ଫିଲ୍ମରେ ବରୁଣଙ୍କ ସହିତ ଆଲିଆ ଭଟ୍ଟ ଏବଂ ସିଦ୍ଧାର୍ଥ ମଲୋହୋତ୍ରା ମଧ୍ୟ ବଲିଉଡ ଡେବ୍ୟୁ କରିଥିଲେ । ଫିଲ୍ମଟି ବରୁଣଙ୍କ ପାଇଁ ସକସେସଫୁଲ ରହିଥିଲା ।
