ମୁମ୍ବାଇ (ଏଟିଆର ବ୍ୟୁରୋ): କରଣ ଜୋହରଙ୍କ ଆଗାମୀ ଫିଲ୍ମ ‘ମୁମ୍ବାଇକର’ ର ଫାଷ୍ଟଲୁକ୍ ଜାରି ହୋଇଛି । ଫିଲ୍ମଟି ଏକ ଆକ୍ସନ ଥ୍ରିଲର ହେବ । ସୋସିଆଲ ମିଡିଆରେ କରଣ ଜୋହର ଫିଲ୍ମର ପୋଷ୍ଟର ଜାରି କରିଛନ୍ତି ।
କରଣ ଜୋହର କହିଛନ୍ତି, ମୁଁ ବହୁତ ଗର୍ବ ଅନୁଭବ କରୁଛି । ଏହି ଫିଲ୍ମରେ ଦୁଇ ଜଣ ଜେଣ୍ଟଲ ମ୍ୟାନ୍ ଙ୍କ ସହ କାମ କରୁଛି । ସେମାନଙ୍କ ମଧ୍ୟରୁ ଜଣେ ହେଉଛନ୍ତି ସିନେମାଟୋଗ୍ରାଫର ସନ୍ତୋଷ ସିବାନ ଏବଂ ଅନ୍ୟ ଜଣେ ହେଉଛନ୍ତି ବିଜୟ ସେଥୁପତି । ତାଙ୍କ କାମକୁ ସମସ୍ତେ ପ୍ରଶଂସା କରିଥାନ୍ତି ।
ସେହିପରି ସନ୍ତୋଷ ସିବାନ କହିଛନ୍ତି, ପ୍ରତ୍ୟେକ ସହରରେ ନିଜସ୍ୱ ସୌନ୍ଦର୍ଯ୍ୟତା ରହିଥାଏ । ଏହି କଥା ମୁମ୍ବାଇରେ ମଧ୍ୟ ଲାଗୁ ହେଉଛି । ଏହା ହେଉଛି ସ୍ୱପ୍ନ ପୁରଣ କରିବାର ସହର । ହୁଏତ ମୁମ୍ବାଇ ମେଟ୍ରୋ ସହର ହୋଇଥାଇପାରେ କିନ୍ତୁ ଏହା ମୁମ୍ବାରକର ଙ୍କ ପାଇଁ ଏକ ଭାବନା ।
