ନୂଆଦିଲ୍ଲୀ (ଏଟିଆର ବ୍ୟୁରୋ): ଫିଲ୍ମ ଇଣ୍ଡଷ୍ଟ୍ରୀରେ ଏଇ କିଛି ଦିନ ଭିତରେ ସଫଳତା ହାସଲ କରିଛନ୍ତି ଅଭିନେତ୍ରୀ କିଆରା ଆଡଭାନି । ସେ ଅନେକ ହିଟ୍ ଫିଲ୍ମରେ ନଜର ଆସି ସାରିଲେଣି । ନିକଟରେ ସେ ଅକ୍ଷୟ କୁମାରଙ୍କ ସହ ଫିଲ୍ମ ଲକ୍ଷ୍ମୀ ରେ ନଜର ଆସିଛନ୍ତି । ଏବେ କିଆରାଙ୍କ ଆଉ ଏକ ଫିଲ୍ମ ରିଲିଜ୍ ହେବାକୁ ଯାଉଛି । ଆଜ୍ଞା ହଁ କିଆରାଙ୍କ ଫିଲ୍ମ ଇନ୍ଦୁ କି ଜୱାନୀ ଆଗାମୀ ମାସ ଅର୍ଥାତ ଡିସେମ୍ବରରେ ରିଲିଜ୍ ହେବାକୁ ଯାଉଛି । ଏହି ଫିଲ୍ମକୁ ନେଇ କିଆରା ଖୁବ୍ ଉତ୍ସାହିତ ଥିବା ନଜର ଆସିଛନ୍ତି ।
କିଆରାଙ୍କ ଏହି ଫିଲ୍ମଟି ଡିସେମ୍ବର ୧୧ ରେ ରିଲିଜ୍ ହେବା ପାଇଁ ପ୍ରସ୍ତୁତ । ଫିଲ୍ମକୁ ଥିଏଟରରେ ରିଲିଜ୍ କରାଯିବାର ସମ୍ଭାବନା ଅଧିକ ରହିଛି । ମହାମାରୀ କରୋନା ପାଇଁ ଗତ କିଛି ଦିନ ହେବ ଅନେକ ବିଗ୍ ବଜେଟ ଫିଲ୍ମ ଗୁଡିକ ଅନଲାଇନ୍ ପ୍ଲାଟଫର୍ମରେ ରିଲିଜ୍ କରାଯାଇଛି । କିନ୍ତଉ ଏବେ ଧୀରେ ଧୀରେ ଫିଲ୍ମ ଗୁଡିକୁ ଥିଏଟରରେ ରିଲିଜ୍ କରାଯାଉଛି ।
ଏବେ ସୋସିଆଲ ମିଡିଆରେ ଏହି ଫିଲ୍ମର ପ୍ରମୋଶନ ଆରମ୍ଭ ହୋଇଗଲାଣି । ଯଦି ଏହି ଫିଲ୍ମ କଥା କହିବା ତେବେ ଏହି ଫିଲ୍ମରେ କିଆରା ଆଡଭାନୀଙ୍କ ବିପରୀତରେ ନଜର ଆସିବେ ଆଦିତ୍ୟ ସିଲ । ପ୍ରଥମ ଥର ପାଇଁ ଏହି ଦୁହିଁଙ୍କ ଯୋଡୀକୁ ଦେଖିବାକୁ ପାଇବେ ଦର୍ଶକ ।
