କଙ୍ଗନା ରଣାୱତଙ୍କୁ ମୁମ୍ବାଇ ନ ଫେରିବା ପାଇଁ ଧମକ

ମୁମ୍ବାଇ(ଏଟିଆର ବ୍ୟୁରୋ): ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ପର ଠାରୁ ଧିରେ ଧିରେ ଖୋଲିଛି ବଲିଉଡର କଳା କାରନାମା । ମୁଭି ମାଫିଆ ଠାରୁ ଆରମ୍ଭ କରି ଖୋଲୁଛି ଡ୍ରଗ୍ସ କାରବାର କରୁଥିବା ବେପାରୀଙ୍କ ରହସ୍ୟ । ବଲିଉଡର ମୁଭି ମାଫିଆଙ୍କ କାରନାମାର ପର୍ଦ୍ଦା ଫାସ କରୁଛନ୍ତି କଙ୍କନା ରଣାୱତ । ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ କହିଛନ୍ତି ଯେ, ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କୁ ମହାରାଷ୍ଟ୍ର କିମ୍ବା ମୁମ୍ୱାଇରେ ରହିବାର କୌଣସି ଅଧିକାର ନାହିଁ । ନିକଟରେ କଙ୍ଗନା ଏକ ଟ୍ୱିଟରେ କହିଥିଲେ ଯେ, ମୁଭି ମାଫିଆଙ୍କ ଠାରୁ ମୁମ୍ବାଇ ପୋଲିସକୁ ଅଧିକ ଭୟ ଲାଗୁଛି । କଙ୍ଗନାଙ୍କ ଏହି ବୟାନକୁ ନେଇ ଅନିଲ ଦେଶମୁଖ ଉତକ୍ଷିପ୍ତ ହୋଇଯାଇଛନ୍ତି । ଅନିଲ ଦେଶମୁଖ କହିଛନ୍ତି, ମୁମ୍ବାଇ ପୋଲିସକୁ ସ୍କଟଲ୍ୟାଣ୍ଡ ୟାର୍ଡ଼ ପୋଲିସ ସହ ତୁଳନା କରାଯାଏ । କିଛି ଲୋକ ମୁମ୍ବାଇ ପୋଲିସକୁ ଟାର୍ଗେଟ କରିବାକୁ ପ୍ରୟାସ କରୁଛନ୍ତି । ଜଣେ ଆଇପିଏସ ଅଧିକାରୀ ଏହି ବୟାନ ବିରୋଧରେ ଅଦାଲତଙ୍କ ଦ୍ୱାରସ୍ଥ ହୋଇଛନ୍ତି ବୋଲି ଦେଶମୁଖ କହିଛନ୍ତି । ମୁମ୍ବାଇ ପୋଲିସକୁ ମାଫିଆ ସହ ତୁଳନା କରିଥିବାରୁ କଙ୍ଗନାଙ୍କର ମହାରାଷ୍ଟ୍ର କିମ୍ବା ମୁମ୍ବାଇରେ ରହିବାର କୌଣସି ଅଧିକାର ନାହିଁ ବୋଲି କହିଛନ୍ତି ।
ଏକ ଟ୍ୱିଟରେ କଙ୍ଗନା ଶିବସେନାର ବରିଷ୍ଠ ନେତା ସଞ୍ଜୟ ରାୱତଙ୍କୁ ଟାର୍ଗେଟ କରି ମୁମ୍ବାଇକୁ ପିଓକେ ସହ ତୁଳନା କରିଥିଲେ । ସେ କହିଥିଲେ, ‘ଶିବସେନା ନେତା ସଞ୍ଜୟ ରାୱତ ମୋତେ ଖୋଲାଖୋଲି ଧମକ ଦେଇଛନ୍ତି ଏବଂ କହିଛନ୍ତି ଯେ ମୁଁ ଯେମିତି ମୁମ୍ବାଇ ନ ଫେରେ । ପୂର୍ବରୁ ଏଠାରେ ସ୍ୱାଧିନତା ପାଇଁ ନାରା ଦିଆ ଯାଉଥିଲା କିନ୍ତୁ ଏବେ ଖୋଲା ଖୋଲି ଧମକ , କ’ଉଣ ପାଇଁ ?
ସଞ୍ଜୟ ରାୱତଙ୍କ କହିବା ଅନୁସାରେ କଙ୍ଗନା ମୁମ୍ବାଇ ପୋଲିସକୁ ଓ ମୁମ୍ବାଇକୁ ବଦନାମ କରିବାକୁ ଚେଷ୍ଟା କରୁଛନ୍ତି ଓ ଏହା ପଛରେ କୌଣସି ଏକ ବଡ ପଲିଟିକାଲ ପାର୍ଟିର ହାତ ଅଛି ।