ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ସିଙ୍ଗର ନେହା କକ୍କର ଏବଂ ରୋହନପ୍ରୀତ ସିଂହଙ୍କର ନୂତନ ଗୀତ ‘ଖ୍ୟାଲ ରଖା କର’ ରିଲିଜ୍ ହୋଇ ସାରିଛି । ଏଥିରେ ନେହା ଜଣେ ଗର୍ଭବତୀ ମହିଳା ଭୂମିକାରେ ନଜର ଆସିଛନ୍ତି । ସେହିପରି ରୋହନପ୍ରୀତ ନେହାଙ୍କ ଧ୍ୟାନ ରଖୁଥିବାର ଏଥିରେ ଦେଖିବାକୁ ମିଳିଛି । ଏହାସହିତ ଏହି ଗୀତରେ ନେହା କେତେବେଳେ ବେବି ତ ପୁଣି କେତେବେଳେ ମା’ ଭୂମିକାରେ ଅଭିନୟ କରୁଛନ୍ତି । ଉଭୟ ଚରିତ୍ରରେ ନେହା ଖୁବ୍ କ୍ୟୁଟ ଦେଖାଯାଉଛନ୍ତି ।
ନେହା ଏବଂ ରୋହନପ୍ରୀତଙ୍କର ଏହି ଗୀତ ରିଲିଜ୍ ହେବା ପରେ ଫ୍ୟାନ୍ସଙ୍କଠାରୁ ଭଲ ପ୍ରତିକ୍ରିୟା ମିଳୁଛି । ଏହି ଗୀତକୁ ନେହା ନିଜେ ଗାଇଛନ୍ତି । ଏହି ଭିଡିଓକୁ ଏପର୍ଯ୍ୟନ୍ତ ୮୨ ହଜାର ଲୋକ ଦେଖିସାରିଲେଣି ।
ସୂଚନାଯୋଗ୍ୟ, ଚଳିତ ବର୍ଷ ଅକ୍ଟେବାର ୨୬ ରେ ନେହା କକ୍କର ଏବଂ ରୋହନପ୍ରୀତ ସିଂହ ଉଭୟ ବିବାହ ବନନ୍ଧରେ ବାନ୍ଧି ହୋଇଥିଲେ । ତାଙ୍କ ବିବାହ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥିଲା ।
