ମୁମ୍ବାଇ (ଏଟିଆର ବ୍ୟୁରୋ): ବଲିଉଡରେ ଏବେ ବାୟୋପିକ୍ ର କ୍ରେଜ୍ ଚାଳିଛି । ପ୍ରତ୍ୟେକ ଦିନ କିଛି ନା କିଛି ବାୟୋପିକ ଫିଲ୍ମର ଘୋଷଣା କରାଯାଉଛି । ଅନେକ ଷ୍ଟାର ମାନଙ୍କର ମଧ୍ୟ ବାୟୋପିକ ଫିଲ୍ମ ହୋଇସାରିଲାଣି । ଏବେ ପୁଣି ଆଉ ଏକ ବାୟୋପିକ ପ୍ରସ୍ତୁତ ହେବାକୁ ଯାଉଛି । ଏହି ବାୟୋପିକ୍ ଟି ଅନ୍ୟ କାହା ଉପରେ ନୁହେଁ ବରଂ ଭାରତରତ୍ନ ମଦରଟେରସାଙ୍କର ।
Official biopic on nobel laureate #MotherTeresa launched, produced by Pradeep Sharma, Nitin Manmohan, Girish Johar & Prachi Manmohan. Written-Directed by Seema Upadhyay. Cast-Crew comprises top talent pools of Bollywood & Hollywood.@OneUpEntertain @girishjohar @prachinm @seems_u pic.twitter.com/6OdmZVb49s
— tavishi dogra (@tavishi) March 11, 2019
ଆଜ୍ଞା ହଁ ଖୁବ୍ ଶୀଘ୍ର ମଦରଟେରେସାଙ୍କ ଉପରେ ଫିଲ୍ମ ପ୍ରସ୍ତୁତ ହେବାକୁ ଯାଉଛି । ନିକଟରେ ଏହି ଫିଲ୍ମର ଅଫିସିଆଲ ଘୋଷଣା ହୋଇ ସାରିଛି । ଫିଲ୍ମଟିକୁ ପ୍ରଦୀପ ଶର୍ମା, ନିତୀନ ମନମୋହନ, ଗିରୀଶ ଜୋହର ଏବଂ ପ୍ରଚୀ ମନମୋହନ ମିଶି ତିଆରି କରୁଛନ୍ତି । ଫିଲ୍ମର ଟାଇଟଲ ରହିଛି ମଦର ଟେରେସା: ଦି ସନ୍ତ । ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ସୀମା ଉପାଧ୍ୟାୟ ଅଛନ୍ତି । ମାତ୍ର ଏପର୍ଯ୍ୟନ୍ତ କଳାକାରଙ୍କ ନାଁ ସ୍ପଷ୍ଟ ହୋଇ ନାହିଁ ।
ଏହି ଫିଲ୍ମର ମୁଖ୍ୟ ଭୂମିକାରେ ବଲିଉଡର ମଶୁର ଅଭିନେତ୍ରୀ ନଜର ଆସିପାରନ୍ତି । କେବଳ ବଲିଉଡ ନୁହେଁ ଏଥିପାଇଁ ହଲିଉଡ ଷ୍ଟାରଙ୍କ ନାଁ ମଧ୍ୟ ସାମ୍ନାକୁ ଆସୁଛି । କୁହାଯାଉଛି କି ବଲିଉଡ ଏବଂ ହଲିଉଡ ଦୁଇଟି ଜଗତର ଷ୍ଟାରମାନେ ଏଥିରେ ନଜର ଆସିପାରନ୍ତି ।
ବହୁତ କମ ଲୋକ ଅଛନ୍ତି ଯେଉଁମାନେ ମଦରଟେରେସାଙ୍କ ପ୍ରତ୍ୟେକ ବିଷୟରେ ଅବଗତ ଅଛନ୍ତି । ଇତି ମଧ୍ୟରେ ତାଙ୍କ କାହାଣୀ ପରଦାରେ ମୁକ୍ତିଲାଭ କଲେ ତାଙ୍କ ବିଷୟରେ ସମସ୍ତେ ସବୁକିଛି ଜାଣିପାରିବେ । ଫିଲ୍ମଟିର ସୁଟିଂ ଆଗାମୀ ସେପ୍ଟମ୍ବର-ଅକ୍ଟୋବରରେ ଆରମ୍ଭ ହେବ । ଦୁନିଆର ବିଭିନ୍ନ ସ୍ଥାନରେ ଫିଲ୍ମର ସୁଟିଂ କରାଯିବ । ଏହାସହିତ ଫିଲ୍ମଟି ଆସନ୍ତା ୨୦୨୦ ରେ ରିଲିଜ୍ କରାଯିବ ।
