ମୁମ୍ବାଇ (ଏଟିଆର ବ୍ୟୁରୋ): ରିଲିଜ ହୋଇଯାଇଛି ଭର୍ସାଟାଇଲ ଆକ୍ଟର ଇରଫାନ ଖାଁଙ୍କ ବହୁ ପ୍ରତିକ୍ଷିତ ଫିଲ୍ମ ‘ଅଂଗ୍ରେଜି ମିଡିୟମ’ ଟ୍ରେଲର । ପୂର୍ବରୁ ଫିଲ୍ମର ପ୍ରଥମ ଲୁକ ରିଲିଜ ହୋଇସାରିଥିବା ବେଳେ ଆଜି ଏହାର ଟ୍ରେଲର ରିଲିଜ ହୋଇଛି । ଆସନ୍ତା ମାର୍ଚ୍ଚ ୨୦ ତାରିଖରେ ରିଲିଜ ହେବାକୁ ଥିବା ଏହି ଫିଲ୍ମରେ ସବୁ ଥର ଭଳି ଇରଫାନଙ୍କୁ ଦମଦାର ଭୂମିକା ଦେଖିବାକୁ ମିଳୁଛି । ଦିନେଶ ଭିଜନ ଓ ଜ୍ୟେ।ତି ଦେଶପାଣ୍ଡେଙ୍କ ପ୍ରଯୋଜନାରେ ଏହି ଫିଲ୍ମଟି ନିର୍ମାଣ କରାଯାଇଛି । ଏଥିରେ ଇରଫାନ ଖାଁଙ୍କ ସହ କରୀନା କପୁର ଖାଁ, ରାଧୀକା ମଡାନ, ଡିମ୍ପଲ କପାଡିଆ, ଦୀପକ ଦୋବ୍ରିୟାଲ, ପଙ୍କଜ ତ୍ରିପାଠୀ ଓ ଟିକୁ ସାରଦାଙ୍କ ଭଳି କଳାକାର ଏହି ଫିଲ୍ମରେ ନଜରରେ ଆସିବେ ।
ଟ୍ରେଲରଟିରେ ଇରଫାନ ବାପା ଭୂମିକାରେ ଅଭିନୟ କରୁଥିବା ବେଳେ କିପରି ନିଜ ଝିଅ ଅର୍ଥାତ ରାଧୀକାଙ୍କୁ ବିଦେଶରେ ପାଠ ପଢାଇବା ପାଇଁ ଅର୍ଥ ଜୋଗାଡ କରିବା ନିମନ୍ତେ ସଂଘର୍ଷ କରୁଛନ୍ତି ତାହାକୁ ଅତି ସୁନ୍ଦରଭାବେ ଏହି ଫିଲ୍ମରେ ଦର୍ଶଯାଇଥିବା ଦେଖିବାକୁ ମିଳୁଛି । ବାପା ଓ ଝିଅ ମଧ୍ୟରେ ଥିବା ନିସର୍ତ ଭଲପାଇବା ସହ ଛୋଟ ସହରରେ ରହୁଥିବା ବ୍ୟକ୍ତିଙ୍କର ବଡବଡ ସପ୍ନକୁ ଏହି ଫିଲ୍ମ ମାଧ୍ୟମରେ ଦର୍ଶାଯାଇଛି । ଗତକାଲି ଇରଫାନ ନିଜ ଅଫିସିଆଲ ସୋସିଆଲ ମିଡିଆ ଆକାଉଣ୍ଟରେ ଏକ ଭାବବିହୁଳ ଭିଡିଓ ସେୟାର କରିଛନ୍ତି । ଏହି ଭିଡିଓରେ ଫିଲ୍ମର କିଛି ଦୃଶ୍ୟ ଶେୟାର କରିବା ସହ ଇରଫାନଙ୍କର ଭଏସ ଶୁଣିବାକୁ ମିଳିଛି ଯେଉଁଠି ସେ କହିଛନ୍ତି , “ହେଲୋ ଭାଇ ଭଉଣୀ, ନମସ୍କାର । ଆଜି ମୁଁ ଆପଣଙ୍କ ସହ ଅଛି ବି ଆଉ ନାହିଁ ବି ।
Inside I am very emotional, outside I am very happy!
Presenting the official trailer of #AngreziMedium: https://t.co/sj9muBSzcL
In cinemas on 20th March 2020 #KareenKapoorKhan @radhikamadan0 #Deepakdobriyal #DineshVijan #HomiAdajania #DimpleKapadia @RanvirShorey
— Irrfan (@irrfank) February 13, 2020
ଏହି ଫିଲ୍ମ ‘ଅଂଗ୍ରେଜି ମିଡିୟମ’ ମୋ ପାଇଁ ଅତ୍ୟନ୍ତ ଖାସ ଅଟେ । ବିଶ୍ୱାସ କରନ୍ତୁ, ମୋ ହୃହଦରୁ ଇଚ୍ଛା ଥିଲା ଫିଲ୍ମଟିକୁ ଯେତିକି ଶ୍ରଦ୍ଧାରେ ବନେଇଥିଲି , ସେତିକି ହିଁ ଭଲ ପାଇବାରେ ସହ ଏହାର ପ୍ରମୋସନ ମଧ୍ୟ କରିଥାନ୍ତି । ହେଲେ ମୋ ଶରୀର ମଧ୍ୟରେ କିଛି ଅନାବଶ୍ୟକ ଅତିଥିମାନେ ବସି ରହିଛନ୍ତି । ସେମାନଙ୍କ ସହ ଆଲୋଚନା ଚାଲିଛି । ଦେଖିବା ଏହି ଆଲୋଚନା କେଉଁ ଦିଗ ଯାଉଛି । ସେ ଯାହା ହେବ , ମୁଁ ଆପଣ ମାନଙ୍କୁ ଜଣାଇଦେବ ।” ଏହି ଭଳି କିଛି ଭିଡିଓ ସେୟାର କରି ଫିଲ୍ମର ଟ୍ରେଲର ରିଲିଜ ପୂର୍ବରୁ ସମସ୍ତଙ୍କୁ ଭାବବିହୁଳ କରିଦେଇଥିଲେ । ଇରଫାନ କ୍ୟାସର ରୋଗରେ ପୀଡିତ ଅଛନ୍ତି । ତେବେ ଏହି ରୋଗର ଚିକିତ୍ସା ପାଇଁ ଲଣ୍ଡନରେ ଥବା ସମୟରେ ସେ ଏହି ଫିଲ୍ମର ସୁଟିଂ କରିଥିଲେ ।
