ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ରୀଚା ଚଢାଙ୍କ ଗଲୱାନା ମାମଲା ଉପରେ କରିଥିବା ବିବାଦୀୟ ଟ୍ୱିଟ ପରେ ମାହୋଲ ସରଗରମ ହୋଇ ରହିଛି । ଏନେଇ ଚାରିଆଡୁ ରୀଚାଙ୍କୁ ଆଲୋଚନା କରାଯାଉଛି । ରୀଚାଙ୍କ ଏହି ଟ୍ୱିଟ ପାଇଁ କଳାକାରମାନେ ମଧ୍ୟ ତାଙ୍କୁ କଡା ନିନ୍ଦା କରୁଛନ୍ତି । ଏହାରି ମଧ୍ୟରେ ବଲିଉଡର ଦିଗଜ କଳାକାର ପରେଶ ରାୱଲ ଏକ ବଡ ଟ୍ୱିଟ କରିଛନ୍ତି । ଯାହା ଖୁବ୍ ଭାଇରାଲ ହେବାରେ ଲାଗିଛି ।
ସୋସିଆଲ ମିଡିଆରେ ରିଚା ଚଢା ଭାରତୀୟ ସେନାର ଶହୀଦଙ୍କୁ ଅପମାନିତ କରିଥିବା ଅଭିଯୋଗ ହୋଇଛି। ଏହି ସମୟରେ ପରେଶ ରାୱଲ ତାଙ୍କ ଅଫିସିଆଲ ଟ୍ୱିଟର ହ୍ୟାଣ୍ଡେଲ ରେ ଇଣ୍ଡିଆନ ଆର୍ମି ସମ୍ପର୍କରେ ଏକ ଟ୍ୱିଟ କରିଛନ୍ତି। ସେ ଲେଖିଛନ୍ତି ଯେ- ‘ଭାରତୀୟ ସଶସ୍ତ୍ର ବାହିନୀ, ଆପଣ ଅଛନ୍ତି ତେବେ ଆମେ ଅଛୁ’। ଏହି ଟୁଇଟ୍ ମାଧ୍ୟମରେ ପରେଶ ରାୱଲ ଭାରତୀୟ ସେନାକୁ ପ୍ରଶଂସା କରୁଛନ୍ତି। ଏଥିରୁ କୁହାଯାଇପାରେ ଯେ ଇଶାରା ଇଶାରାରେ ହିଁ ପରେଶ ରାୱଲ ତାଙ୍କ ନାମ ନ ନେଇ ରିଚା ଚଢାଙ୍କୁ ଦେଶପ୍ରେମର ପାଠ ପଢାଇଛନ୍ତି ।
