ମୁମ୍ବାଇ (ଏଟିଆର ବ୍ୟୁରୋ): ରିଲିଜ୍ ହେଲା ବଲିଉଡ ଫିଲ୍ମ ‘ପିହୁ’ର ଟ୍ରେଲର । ଏହି ଫିଲ୍ମ ପାଇଁ ଅନେକ ଦିନ ହେବ ଦର୍ଶକ ଅପେକ୍ଷା କରି ରହିଥିଲେ । ଫିଲ୍ମର ଟ୍ରେଲର ଟି ଖୁବ୍ ସାନଦାର ହୋଇଛି ।
ବିନୋଦ କାପଡିଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ପିହୁ’ ର କାହାଣୀଟି ଦୁଇ ବର୍ଷର ଏକ ଛୋଟ ଝିଅ ଉପରେ ଆଧାରିତ । ଏହି ଛୋଟ ଝିଅର ନାମ ହେଉଛି ପିହୁ । ସେ ଘରେ ଖେଳିବା ବେଳେ ନିଜକୁ ଏକ ଫ୍ରିଜ୍ ଭିତରେ ଲୁଚାଇ ଦେଉଛି । କିଛି ସମୟ ପରେ ପିହୁ ଫ୍ରିଜ୍ ଭିତରୁ ଡାକ ପକାଉଛି କିନ୍ତୁ କେହି ଡାକ ଶୁଣି ଆସୁନଥିବାରୁ ସେ ଫ୍ରିଜ୍ ରୁ ବାହାରି ପଡୁଛି । ତାପରେ ସେ ଯାଇ ମା’କୁ ଉଠାଇବା ପାଇଁ ପ୍ରୟାସ କରୁଛି । ଏହାସହିତ ସେ କେତେବେଳେ ଖାଦ୍ୟ ଖାଉଛି ତ ଆଉ କେତେବେଳେ ବାଲକୋନି ରେଲିଂରେ ଚଢିଯାଉଛି । ଏଭଳି ଅନେକ ଅଜବ ଗଜବ ଜିନିଷ ଦେଖିବାକୁ ମିଳୁଛି । ଟ୍ରେଲରରୁ ଜାଣିବାକୁ ମିଳୁଛି ଯେ ଫିଲ୍ମଟିରେ ଭରା ସସପେନ୍ସ ରହିଛି ।
ସିଦ୍ଧାର୍ଥ ରାୟ କପୁରଙ୍କ ଦ୍ୱାରା ପ୍ରଯୋଜିତ ଏହି ଫିଲ୍ମଟି ସତ୍ୟ କାହାଣୀ ଉପରେ ଆଧାରିତ ବୋଲି ଜାଣିବାକୁ ମିଳିଛି । ଫିଲ୍ମଟି ଚଳିତ ବର୍ଷ ନଭେମ୍ବର ୧୬ ତାରିଖରେ ପରଦାରେ ମୁକ୍ତିଲାଭ କରିବ ।
