ନୂଆଦିଲ୍ଲୀ (ଏଟିଆର ବ୍ୟୁରୋ): ବିବେକ ଓବରାୟ ଅଭିନୀତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ ‘ପିଏମ ନରେନ୍ଦ୍ର ମୋଦି’ ଡିଜିଟାଲରେ ରିଲିଜ ହେବାକୁ ଯାଉଛି । ସେପ୍ଟମ୍ବର ୨୩ ରେ ଏମଏକ୍ସପ୍ଲେୟାରରେ ରିଲିଜ୍ ହେବ ‘ପିଏମ ନରେନ୍ଦ୍ର ମୋଦି’ ।
ଫିଲ୍ମକୁ ନେଇ ବିବେକ ଓବରାୟ କହିଛନ୍ତି କି, ‘ମୁଁ ଆମ ପ୍ରଧାନମନ୍ତ୍ରୀଙ୍କ ପାଇଁ ବହୁତ ସମ୍ମାନ କରେ ଏବଂ ଏହା ଏକ ସମ୍ମାନର କଥା ହେଉଛି ମୋତେ ସିନେମା ମାଧ୍ୟମରେ ଦୁନିଆକୁ ତାଙ୍କ କାହାଣୀ କହିବାର ସୁଯୋଗ ଦିଆଯାଇଛି’ ।
ପ୍ରଧାନମନ୍ତ୍ରୀଙ୍କ ଜୀବନୀ ଉପରେ ଆଧାରିତ ବାୟୋପିକ ‘ପିଏମ ନରେନ୍ଦ୍ର ମୋଦି’ ର ଟ୍ରେଲର ରିଲିଜ୍ ହୋଇ ସାରିଛି । ଓମଙ୍ଗ କୁମାର ଦ୍ୱାରା ନିର୍ଦ୍ଦେଶିତ ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନେତା ବିବେକ ଓବରାୟ ରହିଛନ୍ତି । ବିବେକଙ୍କ ବ୍ୟତିତ ଏଥିରେ ମନୋଜ ଯୋଶୀ, ବରଖା ବିଷ୍ଟ, ଜରିନା ବହାବ ଏବଂ ବୋମନ ଇରାନୀ ସମେତ ପ୍ରତିଭାଶାଳୀ ଷ୍ଟାରକାଷ୍ଟ ମଧ୍ୟ ପ୍ରତିଭାଶାଳୀ ଭୂମିକାରେ ଅଛନ୍ତି ।
