ମୁମ୍ବାଇ (ଏଟିଆର ବ୍ୟୁରୋ): ଦେଶୀ ଗର୍ଲ ପ୍ରିୟଙ୍କା ଚୋପ୍ରା ଏବେ ଏକ ଗ୍ଲୋବାଲ ଷ୍ଟାର ହୋଇ ସାରିଛନ୍ତି । ଯାହା ଫଳରେ ତାଙ୍କ ଫ୍ୟାନ ଫଲୋଇଙ୍ଗ ବି ବହୁତ ବଢି ସାରିଛନ୍ତି । ଏହାସହିତ ଇଂଷ୍ଟାଗ୍ରାମରେ ମଧ୍ୟ ତାଙ୍କର ଅନେକ ଫଲୋର୍ସ ହୋଇସାରିଲେଣି । ବର୍ଷ ୨୦୧୯ର ଏକମାତ୍ର ବଲିଉଡ ଅଭିନେତ୍ରୀ ହେଉଛନ୍ତି ପ୍ରିୟଙ୍କା ଚୋପ୍ରା, ଯାହାଙ୍କର ୪ କୋଟି ୩୦ ଲକ୍ଷରୁ ଅଧିକ ଇଂଷ୍ଟାଗ୍ରାମ ଫଲୋର୍ସ ରହିଛନ୍ତି ।
ନିକଟରେ HopperHQ ଦ୍ୱାରା ଇଂଷ୍ଟାଗ୍ରାମ ରିଜ ଲିଷ୍ଟ ୨୦୧୯ ସେୟାର କରାଯାଇଛି । ଏହି ତାଲିକାରୁ ଜାଣିବାକୁ ମିଳିଛି କି ପ୍ରିୟଙ୍କା ତାଙ୍କ ପେଜ୍ ରେ ଗୋଟେ ପୋଷ୍ଟ ସେୟାର କରିବା ପାଇଁ କେତେ ଚାର୍ଜ ନିଅନ୍ତି । ଆଜ୍ଞା ହଁ ସିଙ୍ଗଲ ଇଂଷ୍ଟା ପୋଷ୍ଟ ପାଇଁ ପ୍ରିୟଙ୍କ ଚୋପ୍ରାଙ୍କୁ ୧.୮୭ କୋଟି ଟଙ୍କା ଦିଆଯାଇଥାଏ । ଜାରି କରାଯାଇଥିବା ଏହି ତାଲିକାର ୧୯ତମ ସ୍ଥାନରେ ପ୍ରିୟଙ୍କା ରହିଛନ୍ତି । ସେହିପରି ପ୍ରଥମ ସ୍ଥାନରେ କାଇଲି ଜେନର ଅଛନ୍ତି । ସେ ତାଙ୍କ ପେଜ୍ ରେ ଗୋଟେ ପୋଷ୍ଟ ପାଇଁ $୧,୨୬୬,୦୦୦ ଚାର୍ଜ କରିଥାନ୍ତି । ପ୍ରିୟଙ୍କାଙ୍କ ବ୍ୟତିତ ଏହି ତାଲିକାରେ ବିରାଟ କୋହଲିଙ୍କ ନାଁ ବି ସାମିଲ ଅଛି ।
ଇଂଷ୍ଟାଗ୍ରାମରେ ଦେଶୀ ଗର୍ଲ ପ୍ରିୟଙ୍କା ଚୋପ୍ରା ଖୁବ୍ ସକ୍ରିୟ ଥାନ୍ତି । ସେ ଅନେକ ପ୍ରୋଜେକ୍ଟ ଏବଂ ବଡ ବଡ ବ୍ରାଣ୍ଡସକୁ ନିଜ ପେଜ୍ ରେ ପ୍ରମୋଟ କରିଥାନ୍ତି । କାରଣ ପ୍ରିୟଙ୍କା ବଲିଉଡ ଏବଂ ହଲିଉଡର ଫେମ୍ ।
ସେପଟେ ଫିଲ୍ମ ସ୍କାଇ ଇଜ୍ ପିଙ୍କ ଜରିଆରେ ବଲିଉଡକୁ କମବ୍ୟାକ୍ କରୁଛନ୍ତି ପ୍ରିୟଙ୍କା । ଯାହା ଅକ୍ଟୋବର ୧୧ ରେ ରିଲିଜ୍ ହେବ । ଫିଲ୍ମରେ ପ୍ରିୟଙ୍କାଙ୍କ ସହିତ ଫରହାନ୍ ଆକ୍ତର ଏବଂ ଜାୟରା ୱସିମ ନଜର ଆସିବେ ।
