ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ମଶୁର ଅଭିନେତ୍ରୀ ପ୍ର୍ରିୟଙ୍କା ଚୋପ୍ରା ଗତକାଲି ନିକ୍ ଜୋନସ୍ ଙ୍କ ସହ ରୋକା କରିଛନ୍ତି । ବହୁତ ଦିନ ଧରି ମିଡିଆ ସାମ୍ନାରେ ଚର୍ଚ୍ଚାରେ ରହିଆସୁଥିବା ପ୍ରିୟଙ୍କା ତାଙ୍କ ଆଫେୟାରକୁ ନେଇ ସମସ୍ତଙ୍କ ମୁହଁ ବନ୍ଦ କରିଦେଇଛନ୍ତି । ପ୍ରିୟଙ୍କା ତାଙ୍କ ଇଂଷ୍ଟଗ୍ରାମ ଆକାଉଣ୍ଟରେ ନିକ୍ ଜୋନ୍ସଙ୍କ ସହିତ ରୋକା କରୁଥିବାର କିଛି ଫଟୋ ସେୟାର କରିଛନ୍ତି । ଏହି ଫଟୋରେ ପ୍ରିୟଙ୍କା ଏକ ହଳଦିଆ ରଙ୍ଗର ଡ୍ରେସ ପିନ୍ଧିଥିବା ବେଳେ ନିକ୍ ଏକ ଧଳା ରଙ୍ଗର ସେରୱାନିରେ ନଜର ଆସିଛନ୍ତି । ଫଟୋ ପୋଷ୍ଟ ହେବାର କିଛି ସମୟ ମଧ୍ୟରେ ଖୁବ୍ ଲାଇକ୍ ଏବଂ କମେଣ୍ଟ ଆସିଥିଲା ।
ସମସ୍ତ ହିନ୍ଦୁ ରିତୀ ନିତୀ ଅନୁଯାୟୀ ପ୍ରିୟଙ୍କାଙ୍କ ନିର୍ବନ୍ଧ ହୋଇଥିଲା । ଏହାପରେ ଗତକାଲି ସନ୍ଧ୍ୟାରେ ପ୍ରିୟଙ୍କାଙ୍କ ଘରେ ଏକ ନିର୍ବନ୍ଧ ପାର୍ଟିରେ ଆୟୋଜନ ହୋଇଥିଲା । ଯେଉଁଥିରେ ଆମ୍ବାନି ପରିବାରର ସଦସ୍ୟଙ୍କ ଠାରୁ ଆରମ୍ଭ କରି ଆଲିଆ ଭଟ୍ଟ,ସଲମାନ ଖାଁଙ୍କ ଭଉଣୀ ଅର୍ପିତାଙ୍କ ସମେତ ଅନେକ ନାମୀଦାମୀ କଳାକାର ସାମିଲ ଥିଲେ । ପାର୍ଟିର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ପ୍ରିୟଙ୍କା ଏକ ୱାନପିସ୍ ଡ୍ରେସ ପିନ୍ଧି ନିକ୍ ଙ୍କ ସହ ଡ୍ୟାନ୍ସ କରୁଥିବାର ନଜର ଆସୁଛନ୍ତି । ଭିଡିଓଟି ନିଜେ ନିକ୍ ସୁଟ୍ କରୁଛନ୍ତି । ଏଥିରେ ଦୁହେଁ ଖୁବ୍ ଖୁସି ଥିବାର ଜଣାପଡୁଛି ।
