ନୂଆଦିଲ୍ଲୀ (ଏଟିଆର ବ୍ୟୁରୋ): ଭାବୁକ ହେଲେ ପୁଷ୍ପା ଫିଲ୍ମରେ ସାରା ଦୁନିଆରେ ଅଭିନୟର ଛାପ ଛାଡିଥିବା ଅଭିନେତା ଅଲ୍ଲୁ ଅର୍ଜୁନ । ୨୦ ବର୍ଷର କ୍ୟାରିୟରରେ ପ୍ରଥମ ଥର ଉତ୍ତରର କୌଣସି ପୁରସ୍କାରରେ ପୁରସ୍କୃତ ହେବା ଦ୍ୱାରା ତାଙ୍କ ଅଖି ଛଳଛଳ ହୋଇଯାଇଛି । ତାଙ୍କର ଏହି ଭାବୁକ ମୁହୂର୍ତ୍ତର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅଲ୍ଲୁଙ୍କର ଏହି ଭିଡିଓ ଦେଖି ତାଙ୍କ ଫ୍ୟାନ୍ସମାନେ ମଧ୍ୟ ଭାବୁକ ହୋଇପଡିଛନ୍ତି ।
ବାସ୍ତବରେ , ନିକଟରେ ଦିଲ୍ଲୀରେ ଏକ କାର୍ଯ୍ୟକ୍ରମ ‘ଇଣ୍ଡିଆନ୍ ଅଫ୍ ଦି ଇୟର ୨୦୨୨’ ଆୱାର୍ଡରେ ଅଲ୍ଲୁଙ୍କୁ ସମ୍ମାନୀତ କରାଯାଇଛି । ୨୦ ବର୍ଷର କ୍ୟାରିୟରରେ ପ୍ରଥମ ଥର ପାଇଁ ଉତ୍ତରର କୌଣସି କାର୍ଯକ୍ରମରେ ତାଙ୍କୁ ସମ୍ମାନୀତ କରାଯାଇଛି । ଯାହାଫଳରେ ତାଙ୍କ ଆଖି ଛଳଛଳ ହୋଇଯାଇଛି ।
ସେ କହିଛନ୍ତି କି, ୨୦ ବର୍ଷ ହେବ ମୁଁ ଫିଲ୍ମ ଇଣ୍ଡଷ୍ଟ୍ରୀରେ କାମ କରୁଛି । ଦକ୍ଷୀଣରେ ମୋତେ ଅନେକ ପୁରସ୍କାର ମିଳିଛି । କିନ୍ତୁ ପ୍ରଥମ ଥର ପାଇଁ ଉତ୍ତରର କୌଣସି ପୁରସ୍କାର ମିଳିଥିବାରୁ ମୁଁ ବହୁତ ଖୁସୀ ।
