ମୁମ୍ବାଇ ( ଏଟିଆର ବ୍ୟୁରୋ): ନିଜ ଅଭିନୟ ମାଧ୍ୟମରେ ନବାଜୁଦିନ ବଲିଉଡରେ ଏବେ ଆଗ ଧାଡିର ଅଭିନେତା । ଆଜି ତାଙ୍କର ନୂଆ ଏକ ଫିଲ୍ମ ରାତ୍ ଅକେଲିର ଟ୍ରେଲର ରିଲିଜ ହୋଇଛି । ତାଙ୍କୁ ଏହି ଫିଲ୍ମର ଟ୍ରେଲର୍ରେ ଜଣେ ସଚ୍ଚୋଟ ପୁଲିସ ଅଫିସର ଭାବେ ଦେଖିବାକୁ ମିଳିଛି । ତାଙ୍କ ସହ ରାଧିକା ଆପ୍ଟେଙ୍କୁ ମଧ୍ୟ ଏହି ଫିଲ୍ମରେ ଦେଖିବାକୁ ମିଳିଛି ।
କାହାଣୀ ଏକ ପରିବାରର, ଯେଉଁଥିରେ ଘରର ମାଲିକ ଠାକୁର୍ ରଘୁବୀର ସିଂର ମୃତ୍ୟୁ ହୋଇଛି । ପରେ ଜଣା ପଡୁଛି ଏହା ଏକ ମର୍ଡର କେସ । ଏହାର ଖୁଲାସା ପାଇଁ ଇନ୍ସପେକ୍ଟର ଜଟିଲ ଯାଦବ ଚରିତ୍ରରେ ଅଭିନୟ କରିଥିବା ନବାଜୁଦ୍ଦୀନ୍ ତାଙ୍କ ଜି-ଜାନ ଲଗାଇ ଦେଇଛନ୍ତି ।
ଜଟିଲ ଯାଦବ ପରେ ଜାଣିବାକୁ ପାଉଛନ୍ତି ଯେ ଘରର ମାଲିକ ଠାକୁର୍ ଗଘୁବୀରଙ୍କ ସମ୍ପର୍କ ନିଜ ପରିବାର ସହ ଭଲ ନଥିଲା । ଫିଲ୍ମର ଟ୍ରେଲରୁ ଜଣା ପଡୁଛି କି ଏହି ଫିଲ୍ମରେ ଅଭିନୟ କରୁଥିବା କଳାକାର ମଧ୍ୟ ଦମଦାର ଚରିତ୍ରରେ ଅଛନ୍ତି । ପରିବାରର ସବୁ ସଦସ୍ୟ କିଛି ନା କିଛି ଲୁଚାଇବାକୁ ଚେଷ୍ଟା କରୁଛନ୍ତି । ଯାହାକି ପୁଲିସ ଅଫିସର ଜଟିଲ ଯାଦବଙ୍କ ପାଇଁ ଅଧିକ ଚ୍ୟାଲେଞ୍ଜିଙ୍ଗ୍ ହୋଇଛି । ଏହି ଫିଲ୍ମର କାହାଣୀ ହଲିଉଡ ଫିଲ୍ମର ‘ନାଇଟ୍ସ ଆଉଟ’ ସହ ମେଳ ଖାଉଛି । ଏହି ସିନେମାରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ନୱାଜ ଉଦିନ ସିଦିକ୍,ରାଧିକା ଆପଟେ, ଶ୍ୱେତା ତ୍ରୀପାଠୀ, ନିଶାନ୍ତ ଦହିଆ,ତିଗମାଶୁଂ ଧୂଲିଆ ଏବଂ ଅନ୍ୟ କଳାକାର ମାନେ । ଏହି ଫିଲ୍ମକୁ ଜୁଲାଇ ୩୧ ରେ ନେଟଫ୍ଲିକ୍ସରେ ରିଲିଜ କରାଯିବ । ଅନ୍ୟପଟେ ଟ୍ରେଲରକୁ ଭଲ ରେସପନଓ ମିଳିଥିବା ବେଳେ ଟିମର ଆଶା ଅଛିଯେ ସିନେମାଟି ଭଲ ଦର୍ଶକୀୟ ଆଦୃତି ପାଇବ ।
