ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ରାଜକୁମାର ରାଓ ଏବଂ ଅଭିନେତ୍ରୀ ଭୂମି ପେଡନେକର ତାଙ୍କର ଆଗାମୀ କମେଡ ଫିଲ୍ମ ବଧାଇ ଦୋ ଶୁଟିଂ ଆରମ୍ଭ ହୋଇଯାଇଛି । ଫିଲ୍ମଟି ବଧାଇ ହୋ ର ସିକ୍ୱଲ । ଉତ୍ତରାଖଣ୍ଡ ଡେରାଡୁନରେ ପ୍ରଥମ ଦିନ ଶୁଟିଂ ଫଟୋ ସେୟାର କରିଛନ୍ତି ଭୂମି । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ହର୍ଷବର୍ଦ୍ଧନ କୁଲକର୍ଣ୍ଣି । ଏହାପୂର୍ବରୁ ସେ ୨୦୧୫ ମସିହାରେ ଫିଲ୍ମ ହଣ୍ଟର ରେ ନିର୍ଦ୍ଦେଶନା ଦେଇଥିଲେ ।
ମଙ୍ଗଳବାର ସକାଳୁ ସାମାନ୍ୟ ଝିପଝିପ ବର୍ଷାରେ ଫିଲ୍ମର ଶୁଟିଂ ଆରମ୍ଭ ହୋଇଛି । ଏଥିରେ ରାଜକୁମାର ରାଓ ଏବଂ ଭୂମି ପେଡନେକର ମୁଖ୍ୟ ଭୂମିକାରେ ଅଭିନୟ କରୁଛନ୍ତି । ଶୁଟିଂ ସମୟରେ ନିର୍ଦ୍ଦେଶକ ହର୍ଷବର୍ଦ୍ଧନଙ୍କ ସହିତ ରାଜକୁମାର ଏବଂ ଭୂମି କିଛି ଫଟୋ ଉଠାଇ ସୋସିଆଲ ମିଠିଆରେ ପୋଷ୍ଟ କରିଛନ୍ତି ।
ସୂଚନାଯୋଗ୍ୟ, ବଧାଇ ହୋ, ରେ ଆୟୁଷ୍ମାନ ଖୁରାନ. ସୁରେଖା ସିକରୀ ଏବଂ ସାନ୍ୟା ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଥିଲେ । ସେହିପରି ଏହି ଫିଲ୍ମର ନିର୍ଦ୍ଦେଶନା ରବିନ୍ଦ୍ରନାଥ ଶର୍ମା ଦେଇଥିଲେ ।
