ମୁମ୍ବାଇ (ଏଟିଆର ବ୍ୟୁରୋ): ଏବେ ବାହାଘର ଟ୍ରାକରେ ଅଛି ବଲିଉଡ୍ । ନିକଟରେ ଦୀପଭୀର୍ ଙ୍କ ବାହାଘର ସରୁ ସରୁ ପ୍ରିୟଙ୍କା ଏବଂ ନିକ୍ ଙ୍କ ବାହାଘରକୁ ନେଇ ଚର୍ଚ୍ଚା ହେଉଛି । ଏବେ ପୁଣି ରାକ୍ଷୀ ସାୱାନ୍ତ ମଧ୍ୟ ବାହା ହେବାକୁ ଯାଉଛନ୍ତି । ଆଜ୍ଞା ହଁ, ରାକ୍ଷୀ ତାଙ୍କା ଇଂଷ୍ଟାଗ୍ରାମ ଆକାଉଣ୍ଟରେ ବାହାଘର କାର୍ଡ ସେୟାର କରିଛନ୍ତି । ଏଥିରୁ ସିଧାସଳଖ ଜଣାପଡୁଛି ଯେ ଦୀପକ କଲାଲଙ୍କ ସହ ବାହାଘର ବନ୍ଧନରେ ବାନ୍ଧି ହେବାକୁ ଯାଉଛନ୍ତି ରାକ୍ଷୀ ।
ଏହି ୱେଡିଙ୍ଗ୍ ଇନଭିଟେସନ କାର୍ଡ ଅନୁଯାୟୀ ନିଜ ଫ୍ୟାମିଲ ସହିତ ଦୀପକ କଲାଲ ଏବଂ ରାକ୍ଷୀ ସାୱନ୍ତଙ୍କର ବାହାଘର ହେବ । ଦୁଇଟି ପ୍ରେମ ଭରା ହୃଦୟ ଏକାଠି ହେବାକୁ ଯାଉଛନ୍ତି । ଯିଏ ସବୁଦିନ ପାଇଁ ଦୁହେଁ ଦୁହିଁଙ୍କର ହୋଇଯିବେ । ଡିସେମ୍ବର ୩୧ ସନ୍ଧ୍ୟା ୫.୫୫ ମିନିଟ୍, ଲସ୍ ଆଞ୍ଜେଲସ୍ ରେ’ ।
ଖବରମୁତାବକ, ଦୀପକ କଲାଲ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରି ରାକ୍ଷୀ ସାୱନ୍ତ ପ୍ରପୋଜ୍ କରିଥିଲେ । ଏହି ଭିଡିଓକୁ ରାକ୍ଷୀ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ମଧ୍ୟ ସେୟାର କରିଥିଲେ । ଏହା ପୂର୍ବରୁ ଆର୍ଶି ଖାଁଙ୍କ ସହ ରାକ୍ଷୀ ମିଶି ଫ୍ୟାନ୍ସ ମାନଙ୍କ ସହ ଲାଇଭ୍ ଚାଟ୍ କରୁଥିବାର ମଧ୍ୟ ନଜର ଆସିଥିଲେ । ଏବେ ରାକ୍ଷୀଙ୍କ ଏହି ପୋଷ୍ଟ ସାମ୍ନାକୁ ଆସିଛି ।
