ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଜଣାଶୁଣା ଯୋଡି, ମାନେ ଅଭିନେତା ରଣବୀର ସିଂ ଏବଂ ଦୀପିକା ପାଦୁକୋନଙ୍କ ବାହାଘରର ଅପେକ୍ଷା ଧୀରେ ଧୀରେ ଅନ୍ତ ହେବାକୁ ଯାଉଛି । ଦୁହେଁ ନଭେମ୍ବର ୧୪ ଏବଂ ୧୫ ରେ ବିବାହ ବନ୍ଧନରେ ଆବଦ୍ଧ ହେବେ । ସେଥିଲାଗି ଦୁହେଁ ଇଟାଲି ଅଭିମୁଖେ ଉଡାଣ ଭରିଛନ୍ତି । ଏୟାରପୋର୍ଟରେ ରଣବୀରଙ୍କ ଅନ୍ଦାଜ ସମ୍ପୂର୍ଣ୍ଣ କୁଲ୍ ଥିଲା । କେବଳ ଏତିକି ନୁହେଁ ରଣବୀର ଫିଲ୍ମ ଡିଡିଏଲଜେ ର ଗୀତ ଡୋଲି ସଜା କେ ରଖନା..ବଜାଉ ଥିବାର ନଜର ଆସିଥିଲେ ।
ଖବରମୁତାକ, ବାହାଘର ପାଇଁ ଗତକାଲି ରାତିରେ ରଣବୀର ସିଂ ଏବଂ ଦୀପିକା ପାଦୁକୋନ ଦୁହେଁ ଦୁଇଟି ଅଲଗା ଅଲଗା କାର୍ ଯୋଗେ ଏୟାରପୋର୍ଟରେ ପହଁଚିଥିଲେ । ଗୋଟେପଟେ ଦୀପିକା କାର ଭିତରୁ ଏକୁଟିଆ ବାହାରିଥିବା ବେଳେ, ଅନ୍ୟପଟେ ରଣବୀର ତାଙ୍କ ଭଉଣୀ ଏବଂ ମା’ଙ୍କ ସହିତ ନଜର ଆସିଥିଲେ । ଏଥିରେ ଦୁହେଁ ଧଳା ରଙ୍ଗର ମ୍ୟାଚିଙ୍ଗ ଡ୍ରେସ୍ ପିନ୍ଧିବା ସହ ବିବାହକୁ ନେଇ ଦୁହିଁଙ୍କ ମଧ୍ୟରେ ଥିବା ଉତ୍ସାହ ଦେଖିବାକୁ ମିଳିଥିଲା ।
