ନୂଆଦିଲ୍ଲୀ (ଏଟିଆର ବ୍ୟୁରୋ); ମୁମ୍ବାଇରୁ ଗୋଆ ଯାଉଥିବା ଜାହାଜରେ ରେଭ ପାର୍ଟି କରୁଥିବା ସୁପରଷ୍ଟାର ଶାହରୁଖ ଖାଁଙ୍କ ପୁଅ ଆର୍ୟନ ଖାଁଙ୍କୁ ଗତକାଲି ଗିରଫ କରିଛି ଏନସିବି । ଦିନିକିଆ ହେପାଜତରେ ନେଇଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ବା ଏନସିବି । ଆର୍ୟନଙ୍କୁ ଗତକାଲି ଏନସିବି ଗିରଫ କରିବା ପରେ ଶାହରୁଖଙ୍କୁ ଭେଟିବା ପାଇଁ ବିଳମ୍ବିତ ରାତିରେ ମନ୍ନତ ହାଉସରେ ପହଁଚିଥିଲେ ବଲିଉଡର ଦବଙ୍ଗ ଖାଁ ଅର୍ଥାତ ସଲମାନ ଖାଁ ।
ଏନେଇ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ଏକ ଧଳା ରଙ୍ଗର କାରରେ ସଲମାନ ଖାଁ ବସିଛନ୍ତି ଏବଂ ସେହି କାରଟି ଶାହରୁଖ ଖାଁଙ୍କ ମନ୍ନତ ଗେଟ୍ ଦେଇ ଭିତରକୁ ପ୍ରବେଶ କରୁଛି ।
ଆର୍ୟନଙ୍କୁ ଗତକାଲି ୧୨ ଘଣ୍ଟାରୁ ଅଧୀକ ସମୟ ଧରି ଏନସିବି ଟିମ୍ ପଚରାଉଚରା କରିବା ପରେ ଗିରଫ କରିଥିଲେ । ଏହାପରେ କୋର୍ଟରେ ହାଜର ପରେ ଦୁଇ ଦିନିଆ ରିମାଣ୍ଡରେ ନେବାକୁ ଏନସିବି ଆବେଦନ କରିଥିଲା । ଦିନେ ରିମାଣ୍ଡ ପାଇଁ ଅନୁମତି ଦେଇଛନ୍ତି କୋର୍ଟ ।
