ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡର କିଙ୍ଗ ଖାଁ ଏବଂ ଦବଙ୍ଗ ଖାଁ ଓରଫ ଶାହରୁଖ ଏବଂ ସଲମାନ୍ ଙ୍କ ମଧ୍ୟରେ ହେବାକୁ ଯାଉଛି ବଡ ଟକ୍କର । ଏକାସଙ୍ଗରେ ସାମ୍ନାକୁ ଆସିବ ଉଭୟଙ୍କ ଫିଲ୍ମ ‘ପଠାନ୍’ ଏବଂ ‘କିସି କା ଭାଇ କିସି କି ଜାନ୍’ ଟିଜର । ବାସ୍ତବରେ ଭାରତ-ପାକିସ୍ତାନ ଟି-୨୦ ୱାଲ୍ଡକପ ଦିନ ହିଁ ଉଭୟଙ୍କ ଫିଲ୍ମର ଟିଜର ରିଲିଜ ହେବ ।
ୟଶରାଜ ଫିଲ୍ମ ବ୍ୟାନରରେ ପ୍ରସ୍ତୁତ ପଠାନ୍ ଫିଲ୍ମରେ ଶାହରୁଖ ଖାଁଙ୍କ ସହିତ ଦୀପିକା ପାଦୁକୋନ ଏବଂ ଜନ୍ ଅବ୍ରାହମ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ସିଦ୍ଧାର୍ଥ ଆନନ୍ଦ ରହିଥିବା ବେଳେ ଫିଲ୍ମଟି ୨୦୨୩ ମସିହା ଜାନୁଆରୀ ମାସରେ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ରିଲିଜ ହେବ । ସବୁଠୁ ଖାସ୍ କଥା ହେଉଛି ଏହି ଫିଲ୍ମରେ ସଲମାନ୍ ଖାଁ କ୍ୟାମିଓ କରୁଥିବାର ନଜର ଆସିବେ ।
ସେହିପରି ୨୦୨୨ ଶେଷ ସୁଦ୍ଧା ଧମାଲ କରିବେ ସଲମାନ୍ ଖାଁ । ତାଙ୍କ ଫିଲ୍ମ ‘କିସି କି ଭାଇ କିସି କି ଜାନ୍’ ୩୦ ଡିସେମ୍ବର ୨୦୨୨ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ଫିଲ୍ମରେ ସଲମାନଙ୍କ ସହିତ ପୂଜା ହେଗଡେ, ଭେଙ୍କଟେଶ ଦଗୁବତୀ, ରାମ ଚରଣ, ଜସି ଗିଲ, ଶହନାଜ ଗିଲ୍, ସିଦ୍ଧାର୍ଥ ନିଗମ, ପଲକ ତିୱାରୀ ରାଘବ ଜୁୟାଲ ନଜରକୁ ଆସିବେ । ସବୁଠୁ ଖାସ୍ କଥା ହେଉଛି ଏହି ଫିଲ୍ମରେ ଶାହରୁଖ ଖାଁ କ୍ୟାମିଓ କରୁଥିବାର ନଜର ଆସିବେ ।
