ନୂଆଦିଲ୍ଲୀ (ଏଟିଆର ବ୍ୟୁରୋ): ସଞ୍ଜୁ ବାବା ଅର୍ଥାତ ସଞ୍ଜୟ ଦତ୍ତଙ୍କ ଆଜି ୬୦ତମ ଜନ୍ମ ଦିବସ । ଜୁଲାଇ ୨୯, ୧୯୫୯ ମସିହାରେ ମହାନ ଅଦାଁକାରୀ ନର୍ଗିସ ଦତ୍ତଙ୍କ କୋଳରେ ଜନ୍ମ ନେଇଥିଲେ ସଞ୍ଜୟ ଦତ୍ତ । ତାଙ୍କର ଏହି ଜନ୍ମଦିନ ଅବସରରେ ସେ ତାଙ୍କ ଫ୍ୟାନ୍ସ ମାନଙ୍କ ଏକ ଖାସ୍ ଉପହାର ଦେଇଛନ୍ତି । ଆଜ୍ଞା ହଁ ୟଶ ଷ୍ଟାରର ଫିଲ୍ମ କେଜିଏଫ ଚ୍ୟାପ୍ଟର ୨ ରେ ଅଧିରା ଚରିତ୍ରକୁ ନେଇ ସେ ଖୁବ୍ ଚର୍ଚ୍ଚାରେ ରହିଥିଲେ । କିନ୍ତୁ ଏବେ ଫିଲ୍ମର ଦ୍ୱିତୀୟ ପୋଷ୍ଟର ଜାରି ହେବା ପରେ କନଫର୍ମ ହୋଇଯାଇଛି କି କେଜିଏଫ୍ ୨ ରେ ଅଧିରା ଭୂମିକାରେ ନଜର ଆସିବେ ସଞ୍ଜୟ ଦତ୍ତ ।
କେଜିଏଫ ର ଦ୍ୱିତୀୟ ପୋଷ୍ଟରଟି ଖୁବ୍ ସାନଦାର ହୋଇଛି । ପୋଷ୍ଟରରେ ସଞ୍ଜୟ ଏକ କପଡାକୁ ମୁଣ୍ଡ ସହ ମୁହଁରେ ବି ଘୋଡାଇ ରଖିଛନ୍ତି, କେବଳ ତାଙ୍କର ଦୁଇଟି ଆଖି ନଜର ଆସୁଛି । ଏହି ଫଟୋକୁ ସଞ୍ଜୟ ତାଙ୍କ ସୋସିଆଲ ମିଡିଆରେ ପୋଷ୍ଟ କରିବା ସହ ସେ ଏହି ଫିଲ୍ମ ପାଇଁ ବହୁତ ଖୁସି ଥିବାର କହିଛନ୍ତି ।
Thank you 🙏 Truly happy and excited to be a part of #KGF as #Adheera@TheNameIsYash #KGFChapter2 https://t.co/65WazgXaS7
— Sanjay Dutt (@duttsanjay) July 29, 2019
ଏହାପୂର୍ବରୁ ଫିଲ୍ମ ଅନ୍ୟ ଏକ ପୋଷ୍ଟର ଜାରି କରାଯାଇଥିଲା । ଯେଉଁଥିରେ କେବଳ ଜଣେ ବ୍ୟକ୍ତିଙ୍କ ହାତ ମୁଠା କରିଥିବାର ଦେଖିବାକୁ ମିଳିଥିଲା । ସେହି ବ୍ୟକ୍ତି ଜଣଙ୍କ ହାତରେ ଏକ ସିଂହ ଡିଜାଇନର ମୁଦି ପିନ୍ଧିଥିଲେ । ଏହି ପୋଷ୍ଟର ପରେ ହିଁ ଅନୁମାନ କରାଯାଉଥିଲା କି ଏହି ଚରିତ୍ରରେ କେବଳ ସଞ୍ଜୟ ଦତ୍ତ ହିଁ ଦମଦାର୍ ଅଭିନୟ କରିପାରିବେ ।
