ନୂଆଦିଲ୍ଲୀ (ଏଟିଆର ବ୍ୟୁରୋ): ଖୁବ୍ ଶୀଘ୍ର ପଞ୍ଜାବୀ ଫିଲ୍ମରେ ନଜର ଆସିବେ ଦିଲଜିତ୍ ଦୋସାଂଝ ଏବଂ ସେହନାଜ୍ ଗୀଲ୍ । ଉଭୟ ତାଙ୍କର ଅପକମିଂ ପଞ୍ଜାବୀ ଫିଲ୍ମ ‘ହୌଂସଲା ରଖ୍’ ର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ବର୍ତ୍ତମାନ କାନାଡାରେ ଫିଲ୍ମର ସୁଟିଂ ଚାଲିଛି । ଫଟୋରେ ସେହନାଜ୍ ଫ୍ଲୋରାଲ ଡ୍ରେସରେ ନିଜର ବେବି ବମ୍ପ ଫ୍ଲଣ୍ଟ କରୁଥିବାର ନଜର ଆସୁଛନ୍ତି । ସେହିପରି ଦିଲଜିତ୍ ଗ୍ରେ ସୁଟ୍ ସହିତ ହଳଦିଆ ସ୍ୱେଟର ଏବଂ ବ୍ରାଇଟ ପଗଡି ପିନ୍ଧିଛନ୍ତି ।
ସୋସିଆଲ ମିଡିଆରେ ସେୟାର କରାଯାଇଥିବା ଫଟୋରେ ସେହନାଜଙ୍କୁ ଦିଲଜିତ୍ ଛାତିରେ ଲଗେଇ ତାଙ୍କ ବେବି ବମ୍ପରେ ହାତ ରଖିଛନ୍ତି । ସେହିପରି ଫଟୋର ବ୍ୟାକଗ୍ରାଉଣ୍ଡର ମଧ୍ୟ ବେବି ସାୱର ଭଳି ଡେକୋରେସନ ହୋଇଛି । ଏହି ଫଟୋରେ ଦିଲଜିିତ୍ ଏବଂ ସେହେନାଜ୍ ଉଭୟ ଏକ ଖୀର ବୋତଲ ଏବଂ ମହୁ ଜାର୍ ର କଟଆଉଟ ସହିତ ପୋଜ୍ ଦେଉଛନ୍ତି ।
ସେପଟେ ଦିଲଜିତ୍ ଏବଂ ସେହନାଜ ଙ୍କ ଏହି ଫଟୋକୁ ୟୁଜର୍ସ ଖୁବ୍ ଲାଇକ୍ସ କରିବା ସହିତ କମେଣ୍ଟ ମଧ୍ୟ କରୁଛନ୍ତି ।
